اقتباس:
المشاركة الأصلية كتبت بواسطة أوراق ملونة
ممكن تساعديني عزيزتي .. وتوضحين لي كيف أستطيع الدفاع عنه أمام
والديه لأظهر محبتي له ..
راح أحكي لك التفاصيل يا الغالية ..
بداية زوجي من النوع اللي بقلبه ع لسانه .. ما يعرف
شي اسمه مجاملة .. ولا يقتنع بسرعة بآراء غيره ويظل يناقش..
وهذا طبعه يتصرف به حتى مع أمه .. وكم من المراات يصير بينهم نقاش
وتتصادم آرائهم وتتعالى أصواتهم وأنا بكل الأحوال صامتة .. وحتى من نكون بروحنا
بعدين ما أجيب له سيرة عن المواضيع ..
أمس وعلى السفرة انتقدته أمام الجميع كانت تكلمني وتقول زوجك ما فيه
خير وشخص بخيل والبيسة ما تهون عليه .. مع إنه المسكين ما كان قايل لها شي
وهي بالحقيقة ما أنصفته 
هو تفاجئ من كلامها .. وظل يدافع عن نفسه والمصاريف اللي يصرفها عليهم..
وبالحقيقة هو ما مقصر عليهم
ماديا على الرغم من الوضع المادي لأبوه ممتاز ما شاء الله .. لكن هي ظلت
تزيد بالكلام وظل هو يجادلها
من رجعنا قسمنا حسيته الرجال ماخذ بخاطره كثير على أمه .. وعاتبني قال لي
وليش ما دافعتي عني ..!!
هنا أنا كسر خاطري وحسيتني ربما قصرت بحقه .. وحاولت أطيب بخاطره
ووضحت له إنه أمك ما قصدها وهذي كلمة وزل لسانها وخانها التعبير ..
وكان صمته هو السائد
|
على حسب طبيعة عمتك في عمات مجرد ماتدافع الزوجه عن زوجها الي هو أبنها تثور ثائرتها وبعضها بترد وتقول ايه دافعي عنه وهي من جوا بتكون مبسوطة لو عمتك زي كذا كان ممكن تدافعي بأي كلمة على سبيل المرح وتلطيف الجو
والأفضل أنك لما تشوفي زوجك هدا ونسي السالفه قولي له يبتعد عن مناقشة والديه والجدال معهم رغبة بالأجر اولاً واسلم له من وجع الراس طبعاً بطريقه حلوه يتقبلها منك