المشاركة الأصلية كتبت بواسطة وحدااانيه

السلام عليكم ورحمه الله وبركاته

اتمنى انكم جميعا بصحه وعافيه

بنات انا شارفت ع الموت كرهت نفسي وحملي استغفر الله

سبحان الله بحملي الاول جاني وحم من شدته كنت استفرغ دم تقرح عندي المرئ كنت حتى المويه مااقدر اتحملها نزلت بشكل مو طبيعي من وزني ودايم ع المغذي وولدت ولاده مبكره كان حملي اشبه بالموت كنت في عذاب ربي وحده يعلم فيه وولدت ولاده صعبه ومبكره استغفر الله كان حمل وولاده عذاب

بحملي الثاني ماحسيت لابحمل ولا بولاده ماشاءالله لاقوه الا بالله وربي حتى الوحم ماتوحمت حتى كنت اشك ان اللي ببطني ميت وكانت نفسيتي مره مرتاحه

وبحملي هذا كملت شهر بدون وحم الظاهر عطيت نفسي عين طول الوقت اقول حملي ذا سهل زي ولدي الثاني لاوحم ولاشي

لي اسبوعين وانا اتمنى الموت ادعي ع نفسي انتفض يهبط عندي الظغط هبوط حاد الارض تدور حولي والله ماعاد اشوف زين كل شي يتحرك قدامي بسرعه

طبعا يعتبر اخف من حملي الاول يوم جاء امس كملت 24 ساعه بدون اكل وشرب اكل واجرب ومايمدي اطبق فمي ع اللقمه الا وانا مرجعتها اخر الليل غصبت روحي ع فطاير والحمدلله اكلت شوي

قمت الصباح اليوم والله مااحس بعيني اليمين وصداع بس جنب عيني احسها بتطلع رحت المستشفى طبعا طبيب عام عشان الجمعه قال حالتك جدا سيئه هبووط حااد زي وحده صايمه ثلاث ايام وحط لي مغذي وقال خذي سوائل وترى راح يجلس هالالم كم يوم لان جسمك ماتحرك فيه شي كله خامل

انا خايفه ان تشخيصه غلط وان فيني مرض او شي الم لايحتمل بس اصيح منه مااقدر اركع ولا اسجد راسي ماقدر احنيه ع تحت بس امشي رافعه راسي لو انزله ع تحت احس بشي مو طبيعي كانه جلطه العروق مشدوده

انا كنت زعلانه مره هالفتره اخاف اعراض جلطه نفسي اعرف هبوط الظغط يصلح كذا ظغطي 70/50

وابي طرقكم في تجنب الوحم والله تدمرت من الاستفراغ

جزاكم الله خير