رد : خواطر النجاح
كتبت كلام كثير ومسحته .. ً
الأربعاء اختباري بديل التوفل
اليوم سلمت بحوثي جلست فيها فترة طويلة لآخر الليل اشتغل فيها ..
احب أكلم احد عن يومياتي.. ومواقفي وأحب الناس تسأل فيا
بس أتندم اني أدور ورا الناس ومحد هامه أمري ..
نفسي استغني بنفسي وما احتاج لأحد غير ربي ..
بعدت عن ربي كثيييير .
ابغى ارجع لربي ..
احبه وهو ملجأي حيث لا ملجأ لي..
أختي تتكلم بطلاقة مع ابوي لكن انا لا ..
احب يكونو الناس في حاجتي ولما اساعدهم يتحقق لي التوازن النفسي..
احب أكون مصدر لسعادة الناس ..
افتقد العلاقات الاجتماعية بكثرة ..
رغم انهم يقولو اني محبوبه ..
بس شيء في داخلي محد وصله.. لم يصلو لمنطقة اللاشعور لدي ..
نفسي يكون لي غرفة اهتم فيها وما تتحكم أمي في كل كبيرة وصغيرة في حياتي
مني طفلة انا في عمر ام ..
ابغى أرعى واهتم ابغى أرعى وردة .. واسقيها
ابغى احس بالنظام اللامركزي في البيت
نفسي يكون لي غرفة خاصة أكون انا ملكتها.
يارب تقتنع أمي ..
بيتنا كبير ماشاء الله .
ما ابغى اتزوج ويكون لي بيت خاص ..
ابغى بس غرفة خاصة .. ووردة ارعاها ..
او حيوان أليف ..
ابغى شيء غير الكتب والجوال أتفاعل معاه
كائن حي احس بوجودة ..
كنت اكره القطط بس دحين احس بحنية لها .
__________________
...... No found ......
التعديل الأخير تم بواسطة heart clear ; 28-10-2013 الساعة 02:59 AM