رد : ما تفسير سرعة الرد؟!
اقتباس:
المشاركة الأصلية كتبت بواسطة heart clear
هذا الرد طمني جدا
كم انتظرت يا أوراق ملونة؟!
لان الموقف مشابه فهم أبدو موافقه مبدأيه وارتياح وقبول
اتوقع ان النظرة لم تغير رأيهم
لكن يمكن يفكرو في إجراءات الزواج
او يستخير الشاب .
|
بداية اعذريني كثيرا يا رفيقة على التأخير ..
انشغلنا بالعيد .. وربي يديم أعيادكم ويعيدها عليكم
بخير وسعادة ..
عزيزتي .. انتظررت كثير .. أذكر كنا بالإجازة الصيفية
وأنا راحت عليه الإجازة بس أحاتي 
وشافتني أمي إني مختبصة .. والأهل كثروا من السؤال
" هاه ما ردوا عليكم ..!! " ، وأنا صرت أسأل نفسي لا
أكون ما عجبتهم مع إنه الجميع يمدح فيني ، صح إني ما تكلمت
وانخرس لساني وقت النظرة .. بس ما يعتبر سبب للتأخير والرفض
عاد سألت أمي قريبتي ، وهي بدورها سألتهم وقالوا نحن قصدنا
بالزيارة إنه اثنينهم يشوفون بعض
صح لما قالوا لي انصب ماي بارد ع راسي ، بس أخذت بخاطري
كثير ساعتها منهم ، صح إنه زوجي ماله شغل بالموضوع ، لأنه موضوعات
الخطبة معنا عادة تكون مع الحريم بس عالأقل يتكلمون أو يظهرون استحسان منهم
،، وبس 
المهم عزيزتي لا تشغلي بالا .. وفوضي أمرك لربك .. لا تكرري سيناريو خبصتي
واستمتعي بالعيد واستانسي مع أهلك .. وإن شاء الله تبشرينا بكل ما هو خير ..
*********
رغودة حبيبتي .. عيدك سعيد يا غالية .. طمنينا بآخر المستجدات
__________________
التعديل الأخير تم بواسطة أوراق ملونة ; 17-10-2013 الساعة 02:54 PM