رد : موقف محرج مع المدام، ما الحل الآن؟!
السلام عليكم .. انا مجال عملي شركه وفيها اخوات يعملوا معانا .. وتكلمني وقت العمل وفي العمل فقط ..
المراه نحترمها وماننظر لها انها فتنه وشيء عيب وحرام فقط .. اكيد هي شيء اعظم
ولها احترام دامها بمجالها وعملها بحدود حجابها ودينها ..
بنفس الوقت لازم ماناخذ راحتنا كمان ويصير خروج بالكلام عن حدود العمل ..
وانا شايف كلامك معاها على تويتر او ايا كان او جوال او اي شي لمجرد سوالف ..
يعتبر خارج حدود العمل .. حتى لو جبتوا طاري اشخاص بالعمل ..
.. قريباتي الغير محارمي بيكلموني عن طريق اهلي غالبا اذا حابين اخدمهم بشيء ..
هذا وهم قريباتي .. كيف الغريبات عني ..
وبعدين انت قد هالباب الي فتحتوا على نفسك ..
طيب لو حصل وزوجتك تكلم زميلها بالعمل او قريبها بسوالف ومحشات على قولك ..
وكمان وهيا جالسه جنبك وتمسح الرسايل .. الخ .. راح تقبل .. انتبه تسوي شي انت ماتؤمن فيه وماترضاه ..لان بعض الزوجات تعاملك بالمثل بما انه عندك هالشي عادي وطبيعي ..
اصعب شي تكون متزن في تعاملك مع الجنس الاخر ..
مايكون بتزمت و بنظره متحجره سقيمه جاهليه ..
ولا بانفتاح وتبحبحها على كيفك وتسولف وتهرج بكلام مايفيد عملك وحياتك ..
والله اعلم هذا الهرج ايش يسبب من ايغار الصدور والغيره الغير حميده ..
والعناد من الزوجه اذا احبت تعمل المثل .. وامور لا حصر لها ..
عشان كذا والله نصيحه ممكن العمل يحتم ع الانسان يتواصل في حدود ضيقه مع نساء ..
هذه الحدود ابدا لا تتركها تتوسع بحال من الاحوال ..
وانا ضد اي تواصل مع زميلات العمل خارررج العمل ..
حتى لو كان سؤال .. فيه شي تنتظر لباكر ..
حتى اتذكر موقف صار مع احد زملائي .. انه كان مناوب ..
وخرج متاخر .. ولما وصل البيت اتصلت زميلته بالعمل تطلبه المفاتيح عشان تقفل الابواب ..
لانها نسيت او ضيعت مفاتيحها .. فقالها معلش ما ارجع وقفل جواله ..
وقالي : لو فتحت المجال اليوم مفاتيح وبكرا اوراق وعلى هذا الحال لين تصير تتواصل معايا بعد كذا ..
ومو شغلتي تضيع مفاتيحها ..
وزي مافي رجال ينخاف منهم فيه حريم اسوأ .. دايما في اي عمل اول شيء تسويه الحدود بينك وبين الغير ..
وزوجتك ابسط حقوقها تزعل . والغيره موجوده . كذا انتا جرحت مشاعر الاحترام والثقه المتبادله .. حتى لو كانت تعرف .. تلاقيها مو حابه تبين غيرتها . خاصه انها تعرف الطرف الثالث
لازم تصلح امورك باسرع وقت وتعتذر ومايتكرر هذا الشيء .
مع اني ضد التواصل مع زميلات العمل حتى بتويتر والفيس ..
الا انه ولو صار .. المفترض يكون مجرد متابعات .. مايكون ابدا دردشه ..
والله ياصديقي انا اشوف انك في خطر ..
ادري كثرت هرج بس نصحتك من قلبي ..