رد : تركني في الفندق وذهب !
السلام عليكم . والله انا شايف الرجال يعتذر بس على خطا فعلا هوا السبب فيه وموضوع يستاهل ..
المشكله عند الرجال انه لو اعتذر كل يومين وع اي شي بيصير اعتذاره تافه مع الوقت ..
واسباب ثانيه مثل .. ان الرجال يفكر لو عود زوجته على الاعتذار وهوا ماعمل شيء ومافيه منه خطأ مباشر بكذا يعودها تزعل واذا زعلت تنتظره يعتذر ..
الاسباب كثيره .. لكن كثير رجال يعتذروا مافيه مشكله بالاعتذار بس على شيء قوي ويستاهل ..
الرجال يحب كلمته تكون طالعه بمحلها ويكون لها قدرها ..
................
وانا افضل نصيحه اقدمها لاي زوجه لا تفكري تعاندي زوجك الزوج يجي باشياء كثيره .. وطرق كثيره .. لكن اخرها العناد . ونعرف ان الرجل الشرقي موضوع العناد والتشبث برأيه اكثر ..
الرجال يجي بالتفاهم نقاش حنان طيبه اي شيء .. لكن عمر العناد مايمشي معاه ..
والسبب لان الرجال اذا عاندته زوجته وهو الي راح لها وجا على نفسه شوي يشعر بداخله انه انكسر الكبرياء تبعه ..
............
والمفروض النساء تقدر طبيعة الرجال العامه من هالناحيه ..
........
وصراحه غلط زوجك غلط كبير بموضوع التلفظ عليك .. مهما كان معصب ..
لان هالشي يفتح ابواب للشيطان ويكبر مع الوقت ..
انا معاك لما قلتي لا تتلفظ علي مره ثانيه .. ومافي شيء يبرر انك تغلط بحقي ..
.......
اذا كان زوجك بطبيعته عصبي ويتنرفز بسرعه ويتلفظ على اي مشكله .. هنا تصير مشكلة عنادك لزوجك اكبر .. خذي حذرك ..
......
بالنهايه بصراحه وانا اقرا موضوعك حسيته لطيف على كل مافيه ..
بس المشادات وهالحركات تصير بين المتزوجين ..
يعني مو شيء عضال ..
لكن انه تركك وتلفظ عليك .. هنا بوادر مشكله ماودي تكبر مع الوقت الله يوفقكم ويسعدكم
اهم شيء جايب عشى عند الباب هههههه والله قلبه طيب ^_^
التعديل الأخير تم بواسطة ابو عقيل الهاشمي ; 03-10-2013 الساعة 06:24 AM