اقتباس:
المشاركة الأصلية كتبت بواسطة مهره
خلي مشاعرها على جنب يا روضة ولا تسألين إن كانت ثقتها بتستمر والا لا .. بدري وايد على هالسؤال .. لأن الموضوع بعده يديد والحرقة في قلبها على آخرها .. والله أعلم متى بتخف والحريم مب سوا .. بس حطو في بالكم ان مسألة الثقة مب في يدها بروحها .. زوجها له دور كبييييييير جداً في استمرار هالثقة من عدمه .. وسلوكه معاها هالفترة بوجه خاص .. وفي المستقبل بوجه عام له دور كبير في ردة فعلها ومشاعرها ناحيته ومدى تقبلها لموضوع زواجه.
ما في حرمة تتقبل زواج زوجها ببساطة أبداً .. لكن الزوج بطريقة تعامله معاها وإشعارها بأنها لازالت تعني له شيء وأنها مهمة في حياته هو اللي يقدر يخفف عليها .... أما إذا ما قدرت تتقبل الوضع في كل الأحوال فما باليد حيلة ولا حول ولا قوة إلا بالله!
أما انه يفكر يطلق لأنها تقول له (لم أعد أثق بك) .. فاسمحي لي اللي يسوي جذي هذا واحد يتعلث ويدور حجة عشان يطلق!
لكن في كل الأحوال حتى لو هو يبا يطلق فعلاً .. ليش يطلقها غيابي أساساً؟! .. ترا عيب ومب مرجلة .. وانتي بنت عرب وتعرفين الأصول وأكيد تدرين إن هالحركة ما يسويها ريال محترم .. هو ماخذها من بيت أوادم والمفروض يتعامل بالأصول والاحترام .. ويروح لأهلها ويقول لهم ترا باطلق عشان كذا وكذا .. سواء السبب من صوبه أو من صوبها .. أما اللي يسوي هالحركة ويطلق غيابي فهو مجرد شخص يبا يهرب من المواجهة ويفك عمره وما عنده قدر لحد!
روضة .. دخيل الله يا بنت الناس .. اطلعي من هالموال كله ومااااااالج خص باللي يصير بينه وبينها .. وامنعيه تماماً من انه يتكلم معاج عنها أو يخبرج بأي مشكلة صايرة بينه وبينها.
ونصيحة من قلبي .. لا تقولين زوجي ومب هاين عليّ ولازم اوقف معاه .. لا تعينين الشيطان على نفسج.
وأكررها .. لا تعينين الشيطان على نفسج.
|
هههههه آآه اسمحيلي بس ردج دخلني في قهقه .
حتى اني يامهره اللي تهون عليج نفسج وتقبل ماتدخل بخصوصيات زوجها وهو بينج وبينه ميثاق وعهد قدسي وقسم بوجوب مؤازره بعضكم البعض في الشده والرخاء وفي صحه والمرض حتى يفرق بينكم الموت بعد عمر طويل ..
اعنبوا شو من بني ادم تتحرونه رجل عنده قلب حاله من حالكم تفرون حمل الدنيا على ظهره حشى والله موب قلب عليكم .. الحمدلله اللي عطاني قلب مسؤل عن حبيبي
وتقولين انا بنت العرب وتعرفين الاصول في شي وتغضين البصر في شي اهم واكبر
والله لو كانت العرب اطبق الاصول في شي على حساب شي ثاني .. اظلمت العرب نفسها
شاكره لج مداخلتج