أختي ... ترى البنت الكبيرة تكسر الخاطر والبنت الصغيرة مالها ذنب بعد ..

أنا الأخت الكبرى وعندي اكثر من اخت أصغر مني ومتزوجة أمي قبل كم سنة كانت تقول مستحيل ازوج البنات الصغار قبل الكبيرة وكنت أقول لها يمه لا تقولين كذا ما تدرين عن الزمن ... وسبحان الله تزوجت خواتي واخواني اللي اصغر مني وعندهم اولاد ...

أدري إن وضعك صعب لكن وضع الاخت الأكبر وأنا اكبر مثال قدامك صعب جدا جدا جدا ...

بكيت أيام وليالي وتقرحت جفوني من البكا ... نظرات الناس وكلامهم لي وانا الحين في الثلاثين وما احد يناظر فيني ... لاني بنظرهم معيوبة والا ما كانوا تقدموا لاخواتي ...
ومع اني فرحت لأخواتي واولادهم مثل اولادي ولكن اقول لك بالقلب غصة وحتى لو تزوجت الحين فرحتي ناقصة ... راح يظلون يعايروني اني تزوجت بعمر الثلاثين وان خواتي تزوجوا قبلي وخلفوا قبلي ...

واليوم بالذات حاسة نفسي مخنوقة جدا جدا وأقولها بصراحة ... اتمنى الموت لأني أحس إن وجودي نكرة وما لي اي قيمة على العكس راح اكون عالة على اهلي واخواني لما اكبر ...

وإن شاء الله ربي ياخذ امانته باسرع وقت وارتاح ..