رد : هل هي غلطتي ام الظروف؟؟؟
دندورمه الله يجزاك الجنة على شعورك دعواتك يالغالية
امراة من مكان ما والله عشت كل انواع الحرماان معه ولايعترف بخطأه ابد يقول انا تعبت
كل كلامه انا تعبت
مكلومة كلامك صحيح والصراحة تجرح بس هذه الحقيقة ويمكن تحليلك صح
مكلومة ادعيلي بس ربي يهون علي
قلوب حائرة فعلا زوجي يحب المراة القوية الي مستغنية عنه بكل شى ويحب يلاحق هالنوع
حاولت اكون كذا بس الحرمان يجبرني
حاولت اشيله من راسي عجزت
الله وحدة الي قادر يربط على قلبي
اخيرا تكلمت معه بنقاط عدة وانا بالمطعهم انا اتكلم وهو محني راسه ولا يطالع فيني
قلت طالع فيني قال اسمعك
تكلمت كثير وكثير وقلت كل انفجاري فيك من الظلم الي اتلقاه منك
هو ابدا مايتقبل اني اوجه له الخطأ
لكن اذا قلت عين او سحر يصغي الي
انا بقولك قصة حياتي يمكن اخرج بها عن الموضوع شوي وانتم احكموا
لي اخوال حقودين جدا وخاصا اكبرهم
علاقة جدي الله يرحمه بامي كانت جدا قوية ويموت فيها وحتى احنا حفايده كنا عنده المفضلين
بعد موت جدي اتهموا امي انها استغلت مرض جدي وحبه لها وكتب لها كل شى بيع وشراء
وانها اخذت حلالهم فقامت الحرب على الوالدة وحتى خالاتي صدقوا هالشى وصار الاعداء كثار
وانا صغيرة حاول احد اخوالي يذبحني بسكين بسن عشر سنوات وكنت صامدة قدامه ولا خفت من السكين وقلت اذا ذبحتني راح تدفع الثمن
المهم تعرضت لظلمهم لي كثير حتى لمن كبرت كان بالشارع يحاول يشوه سمعتي ويمر بسيارته ويسب ويشتم والناس تسمع
وكل من حاول يخطبني راح له وفسد علي الخطبة
واستمرت الظروف كذا لين كبرت وصرت اقدر اواجه كل اخوالي وصارو يحسبون لي حساب
والله من الظلم مرة جا يسب عند الباب وابوي ميت وحنا بس حريم نزلت حفيانة وحركت السيارة والعالم كلها تطالع فيني وبغيت ادعسه غير انه طلع فوق الممر ونقد نفسه والا كان في عداد الموتى
صار عندي واسطات وحاولت اسجنه لمدة عشر ايام وبدون تهمة واضحة المهم كنت ابغاه يدخل السجن
وقدرت على هالشى وبعدها صار الكل يحسب لي حساب وكاني انا الرجال في البيت
اذا كنا في عزيمة في بيت جدي واخوالي هناك وامي راحت اوقف بوجه اخوالي كني رجال واقط عليهم نظرات تجلعلهم يهابوني
انا كلي خوف من داخل بس مابغى ابين ضعفي لكائن كان ,,استمر الوضع على كذا لين خلاص فكونا من شرهم وهدأ الوضع
وقتها كنت ادور رجل فعلا بحياتي يسندني يوقف بوجه هالمجرمين
غير كذا زوجة ابوي الي بعد امي جايبة اولاد وابوي وصاني عليهم بس هي مرة طماعة وتحاول تستغلنا باي ثمن ماعندها فلوس واخواني يحتاجون وكذا وكذا
من ناحية اخووالي وزوجات ابوي لانه تزوج اثنين غير امي وحدة طلقها والاخيرة جلست على ذمته وكلهم باولاد مو من مصلحتهم مرة انه يكون لنا ذرية عشان الحلال
اختي مو متزوجة بس حتى هي محطمة ذهنيا وغير سعيدة بس عايشة حياتها وخلاص
وهذه حياتي باختصار لذالك اشك بعض الاحيان ربما يكون بينا عمل او تفرقة زوجين لمصلحتهم اني ابقى بدون زواج وبدون ذرية
وتعالوا شوفو لمن خوالي يسمعون اني تطلقت بتكبر شوكتهم ويوصلوا مرادهم
وهذه كلها عوامل يااخواني وياخواتي تجعلني اتردد بالطلاق لظروف خارجة عن ارادتي وليس ضعف مني ولاني لست اي وحدة عادية لها عائلة تحتويها ويوفقون معها مالي الا امي بعد الله
لكم الحكم انتم
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...