المشاركة الأصلية كتبت بواسطة heart clear

كلامك أدى لتغيير سلوكي إيجابيا نحو الأفضل أشكرك كثيرا
الله يكتب لك الأجر ..
سويت الغدا اليوم وعجب عائلتي الحمدلله ..
طبعا خليت في بالي ان أمي طبعها الانتقاد وفعلا كان لها ملاحظات ولامتني على حاجات في الأكلة ..
أبوي قال لا بالعكس لذيذ الأكل ..
بعدها قالت لي أمي وليش ما كملتي الخياطات اللي طلبتها منك .. والله مرا أنا نعسانة ولازم اذاكر يوميا
انجلش لان عندي اختبار بعد شهر .. قلتلها ابغى أنام قامت تخاصم ..
رحت خيطت وكملت الشغل اللي طلبته مني فرحت جدا
لكن أخوي قام يستهزأ فيا يقول يقولو انك تخيطي بفلوس ..
صراحة زعلت لأنهم دايم يطلبوني أخيط وأنا عندي دراسة مو فاضية
وتتخيلي لو كل واحد جبلي ملابسه اصلح المشقوق وأقصر الطويل وما الى ذلك
ما راح أركز في الدراسة صرت اعتذر منهم الا أمي وأبوي طبعا
المهم قلت لأخوي لا ما أخيط بفلوس لكن اذا كنت فاضية
( أنا تخصصي اقتصاد منزلي عشان كذا اعرف أخيط وبلشت ههههههههه )
لاحظت ان أمي مرا ما خاصمت بنت أختي اليوم ..
ما اعرف اذا طبخي له علاقة ؟؟ عشان ارتاحت أمي اليوم ونامت مضبوط
الله يخليها ويحفظها ويارب دوم مرتاحة ومي معصبة ..
تصبحو على خير ..