رد : كيف أفاتح إمرأة عجوز بأن لديها رائحه
حبيبتي الله يعينك حاسه فيك الله يكتب لك الأجر كامل
مادام إن بناتها مو مهتمين فيها الحل انك تستخيري ربك وتجيبي خادمه وإذ كانت اندونسيه أفضل
ولازم ولدها يتدخل ويفهمها ان هذي الخادمه تصرفها الدوله مجاني لكل أنسان كبير ويكون راتبها من الضمان الأجتماعي
هي نفس أطباع جدتي الله يحفظها حريصه جدا قلنا لها انها من الملك عبدالله هو صارفها لها ودايم تدعي له^_^
والخادمه لازم تبلغ عن حالتها قبل ماتجي وانها أمرأه كبيره ومريضه وتعاملها زي الطفل وحتى لو تلفظت الفاظ مو زينه الخادمه مارح تفهم اللهجه
وتكون متفرغه لها بس يعني لاتكلفونها بأعمال ثانيه
جدتي بعدين حبتها وصارت زي بنتها
لدرجة انها ماترضى تخليها تدخل معانا المطبخ
خايفه انها تتعب
والأغراض اللي تشترونها مو لازم تشوفها
طبيعي يصيروا حريصين زياده لأنهم في مرحلة شبابهم كانوا عايشين حياه صعبه