رد : بوح الخواطر .. رجع لي بعد الغيبه / مستجدات 258 _308
اقتباس:
المشاركة الأصلية كتبت بواسطة بنت بوظبيxAD
وعلى اي اساس حددتي ردي سلبي بارك الله فيج ؟؟ وين السلبيه في تنويه الاخت لتكمله دعاءها لسالم ربي يحفظه باللي هي اخير عنها ..
منوه نظرته سلبيه الحين ؟؟
وليش تنوهين لردودي بردود حساسه ..وانتي حالج حال غيرج سبقتي التحليل بطلب البنت للطلاق..
( اذا)
واذا على اساس اني اخذها من باب انه ربي يعوضهآآ بشخص يحبهآآ افضل من سالم .. اهني اتمنى هالشي وان شالله يتحقق وتنفصل عن خطيبي سالم طبعن بما انه البعض ينوه انه سالم موب كفو لاستمراره بزواجها اذا في شخص افضل من سالم يستحقها الله يعوضها وترى في شخص افضل منها ربي عوض سالم فيه وشخص يستحقه افضل منها
الكل متساوي .وردودي بعيده عن الحساسيه . بس نظرتج وتجاوبج للموضوع انتي والاخت عيون نظرة انحياز واضح للبنت عل حسابي انا وسالم
. ووو
وعلى الدنيا السلام .. وتحياتي لج ( 3 فينقر )
|
صح انتي ليش معصبة؟ 
الله يرضى عليج يا روضة أنا انحزت؟!!
الله العالم أني مب منحازة لزوجة سالم ولا شي .. ومرة ثانية أذكرج اني ولا مرة قلت لج لا تتزوجينه .. وكل تحفظي كان على نقطتين أساسيتين: الأولى أن سالم غير مقتدر مادياً وبالتالي ليش يبا يفتح بيت ثاني وهو مب قادر؟ .. والثانية انج انتي ما تسوين اي شي ممكن يأذي بنت الناس أو يقهرها .. وهالنقطة ما كنت بارمس فيها لولا كلامج انتي اللي أوحي لنا بهالشي.
لكن لما حطيتي هالموضوع .. وشفت ان الأمور ماشية مثل ما تبين .. قلت لنفسي: لعله خير .. وما قلت لج الا الله يوفقج ويبعد عنكم الشر .. وما قلت أي شي ثاني لأن كل الكلام اللي كان في خاطري قلته في موضوعج السابق.
وحتى لما علقت على عبارتج (أنا أخير عنها) كان كلامي موجه لج أنتي بعيداً تماماً عن زوجة سالم .. والله يعلم اني كنت أعلق على نقطة تزكية النفس بشكل عام .. لأن حتى لو كنت (أعتقد) إني أحسن من غيري فمب حلو أقول هالشي .. ولأن حتى لو كانو الناس يشوفون اني زينة وإني أحسن عن غيري فمدحي لنفسي بهالطريقة بينقص قدري في نظرهم.
في النهاية رب العالمين هو الأعلم منو فينا الزين ومنو فينا الأزين.
بس انتي الله يرضى عليج اللي طلبتي اعلق على كلام الأخت .. واستجابةً لطلبج حللت كلامها.
وبخصوص طلبها الطلاق .. فانا ما ادري اذا هي بتطلبه والا لا .. وتعليقي كان من باب ان احنا يالسين نتكلم عن العوض واحنا أساسا ما ندري هي فعلاً بتطلب الطلاق والا لا.
على كل حال .. مرة ثانية .. الله يوفقكم ويبعد عنكم الشر.
__________________
اللهم طِيبَ الأثر .. وحُسْنَ الرحيل.