السلام عليكم اخوتي واخواني

حابه اتكلموعن موضوع ضايقني وماوضعت مشكلتي هنا الا لثقتي بردودكم
اولا انا اتقبل جميع الردود اللي معاي واللي ضدي ابي اعرف انا غلطانه بتفكيري ولا لأ

انا متزوجه لي سنه وثلاث شهور تقريبا وعندي نونو ربي يحفظه لنا
احب زوجي ومحترمته لأبعد حدود واطيعه بكل حاجه ولا ارفض له طلب
وهو مايقصر معاي ابدا
مشكلتي اللي مضايقتني اني ماني قادره افهم زوجي للحين والسبب لأني احسه غامض ولايتكلم معي بصراحه مع انو متفقين نكون صريحين مع بعض لاكن اللي اشوفه من زوجي غير كذا انا ما اتدخل بأموره مع عايلته ولا أسأله بشي مايخصني ولا اسأله عن شغله بس الشي الوحيد اللي طلبته منه اي شي يخصه فهو يخصني ومفروض نكون شخص واحد
الموضوع ومافيه اني جيت لمجلس اللي فيه زوجي ولقيته مخبي حاجه بيده اخذها من تحت سجاد المجلس وفجأه ارتبك عديت الموضوع بس عشان لا احطه بموقف يحرجه مع انو كان بيدي اسأله بوقتها واطلب منه يوريني وش مخبي لما جلسنا على رواق قلتله اني منتبهه على الموقف اللي صار وعارفه انك مخبي حاجه عني ومن حقي اعرف هاالشي ورفض يقولي قلتله انت مو صريح معاي قالي انا صريح لاكن ما راح اكذب عليك واقولك عن اللي مخبيه
انا اتمنى الشخص اللي عايشه معه يكون معي كتاب مفتوح انا ما طلبت منه يقولي اي شي يخصه مع اهله او عمله لاكني طلبت اعرف عنه هو وبس فالنهايه رفض يقولي وقلت له خلاص انت تخليني اظطر اصير مثلك واعتبرك غريب ولا اقولك شي لانك ماعتبرتني زوجتك وتكلمت معاي وهالشي فعلا ضايقني تمنيت اكون له نصفه الثاني اللي يقدر يصارحني بكل شي انا هاديه معاه ولاعمري بحياتي رفعت صوتي عليه حتى باوقات مشاكلنا كنت احلها لوحدي من غير ما استشير احد الزبده زوجي شايف ان مو من حقي اعرف عن هالشي وانا شايفه ان حركته وتوتره لما خبى الشي بيده وحطه بجيبه هالشي يضايق ويخلي معاي حق اني ما افهمه لانه مايساعدني ويتكلم معاي اللحين هل فعلا مع زوجي حق وله كامل الحريه يخبي اشياء تحت السجاد واني غلطانه اني طلبت منه يتكلم معاي ويصارحني فيها ولا طلبي منه يكون معاي صريح مثل ما انا صريحه صحيح