رد : ::: هل بالغت في عقاب ابني؟ :::
مهرة حبيبتي انبسطت انك شاركتي في الموضوع
بالنسبة للشرطة والله بعرف تهديد غبي ولكن والله بكون بدي اطق
ماهددته فيها كتير كم مرة لانو كان في قضية تانية غير المية كان يتمرجح على مرجيحته و بعنف
مما يؤدي لازعاج الجيران و التخبيط فوقهم والي هما شكو مرة من ابنائي اصلا
وكان ابني كل ماانصحه و اطلب منه يزيد استفزاز منه فقلت الشرطة حتيجي تاخد مرجيحتك وانت ازعجت الناس
و ايامها صدق و فعلا من بعدها صار يحرص على عدم التخبيط
وصراحة ايامها كنت مستعدة ارمي المرجيحة ولا يزعج الجيران لانو بكفيهم دربكة اولادي من الساعة 7
بالنسبة لقفل المفاتيح صعب جدا لانو المفتاح قوي ولانو الماء على طول احتاجه
و المطبخ والحمام اولادي يشربو لحالهم ويروحو الحمام
مش عايزة انزعاج جديد
بالنسبة لعدم الدخول
عدة اسباب اهمها ... يتركني نايمة بحالي هههههه
لا عشان النوم سلطان
وعشاني تعود يستازن ومايدخل زي الاقتحام
ولانو يامهرة كان يدق ويستازن وكان اصلا يصحا وماادرا عنه يروح يلعب لحاله ساكت ... قصة الاقتحام من عدة شهور بدل مكبر مفروض وعقل الولد عكس الموضوع
ويتعود خاصة انو ذكي وذاكرته قوية جدا ماشاءالله تبارك الله ولا ينسا
و يفهم مااقوله تماما ويعيده وينصح اخته فيه
بس يستهبل علية والله يا مهرة ابني استفزازي
ومش قصة خايف يفقدني ولا مدري شو ولا كان قاللي اياها
+ يامهرة ممكن يدخل في بعض الاحيان كل 10 دق بدون مبالغة
والامر عندو صار تحدي واستفزاز وعناد
ويصحى من ال6 زي ابنك واحيانا قبل في الشتاء عشان الليل طويل يصحا 5 و 5 ونص !!!
مثلا بيصحا يقللي ماما انا صحيت
انا بحبك طيب حبيبي وابوسه و احضنه
يجي بعد كم دقيقة ماما بدي اخد خيارة
وشوفي ينفتح نقاش الخيار الي مش منطقي ياكله الساعة 6 الصبح لانو بيعمل اسهال الله يعزك
بعد شوي ماما انا جعان
وياماما ياحبيبي كمان شوي نصحا نفطر ... عايز ياكل عال6 وامتا يتغدا مثلا؟
وصار لما يروح عند اهلي يفتح الابواب على اختي وماكان يعمل هيك زمان ابدا
ومرة فتح باب الحمام على بنت اختي وعمرو ماعمل هالحركة
شفتي كيف معي حق
انا حكيت كتير ويمكن ماترجعي تشوفي ردي يعني بحكي مع حالي هههههههههه
بس صدقيني استفزازي ويجي يقلي احيانا ماما ماما
اقله نعم يصير يقلي مممممممممممممم بدي اشي
والله بالحرف هيك بيقول
اروح انهره و ممكن ادفشه بايدي شوي واقله انت قليل ادب اخص عليك
تحسي جاي منتظر رد الفعل هادا عشان يعمل حاله زعلان ومن بعدها يسكت
اما تقولي رهافة حس و خايف يفقدني :14:
انتظر ردك لاني احب ردودك التربوية ...
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت