ما تحكميش عليه بالبخل وانتي مش عارفه ايه ظروفه الماديه
المشكله هي انك علشان مرتاحه ماديا بتفكري علي قد ظروفك وبس انا فعلا لو مكانه مكنتش اتصلت من اساسه ايه اللي يخليني اغرم فلوس علي حاجه انا ممكن اعملها ببلاش في عز ما انا محتاج كل جنيه علشان الزواج والشقه وما الي اخره
قوليله مش لازم اتصالات تليفونيه ممكن تكلموا بعض علي الاسكاي بي او الياهوو وبكده مالهوش حجه ثانيا بالنسبه لموضوع الهديه فهي لا تقدر بثمن لو بتحبيه فعلا يبقي هتقدري اي هديه يجبهالك علي انها اغلي هديه لكن حكاية انه كل مره يجيلك فاضي دي مش كويسه بس برده مش دليل علي بخله بس في طريقه ممكن تعرفي انه بخيل او لا انتي بتقولي انه في بلد تانيه يعني ممكن تقوليله انك نفسك في حاجه موجوده هناك ومن زمان عايزه تجيبيها هو لو بيحبك هيحس انه لازم يجبهالك علشان يحاول يسعدك اما لو طنش يبقي يا اما هو مش حاسس بيكي وده دليل عل عدم حبه لكي و يا اما حاسس بيكي بس عامل نفسه عبيط (عامل نفسه من بنها) وده بقي الدليل علي بخله

__________________
" إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا "