رجعنا للتهديد مرة ثانية!!
السلام عليكم حبيايبي
شخباركم مشتاقة لكم بالحيل
الحمدلله حملي ممتاز واليوم كانت عندي مراجعه ياربي لك الحمد على النعمة
حياتي تغيرت اكيد للافضل والله من علي بكرمه واكرمني وهو خير الاكرمين
سبحانه انه على كل شى قدير
اليوم كنت سعيدة جدا بعد ماطلعت من عند الدكتورة والحمدلله امور حملي ماشاء الله ولاقوة الا بالله تمام
وكل شى طبيعي يارب لك الحمد وعندي بشرى لكم ماراح اقولها الا بعدين واسمحولي الان من عدم ذكرها
باختصار زوجي لازال على حاله جوال بيده 24 ساعه وعلى التويتر من طلوع الشمس الي غروبها وهكذا كل يوم
مطنشة انا رغم اني احتاج له بكثير امور زي مثلا ابسط شى لا جاني الم بظهري ابيه بس يهمز ظهري او يهتم بي شوي مافي ابداااا وانا تعودت وكل مرة اقول الحمدلله ان ربي عوضني بحملي ماعلي منه
اليوم جتني رسالة تنبيه على جوالي انه مغرد وبالصدفة لقيته مكلم وحدة حاطة صورة مشخلعة على ماقاالو
وملاحظة اي وحدة تكون صورتها جذابه يكلمها ططبعا مو صورهم الحقيقية بس للفت النظر
المهم لقيته مكلمها وهي قالت له شكرا على التوضيح
دقيت عليه بكل هدووء وهذه على فكرة اغلب تغيرداته للنساء وخاصا لي يكون لسانهم طويل ومسوين صور بالعرض مغرية ..قلت معلش ابغى اكلمك يعني هل يعقل كل تغريداتك للبنات ترى الشى زاد عن حده
صوتي واطي لحد الحين واتكلم بهدوء
قال كبري راسك
قلت وش اكبر راسي
قال مشيها
قلت كيف؟؟
قال ماني فاضي للنقاش ورفع صوته
يوم رفع صوته قمت فصلت عليه ورفعت صوتي قلت هذا الي انت فالح فيه بس كلام ومحادثاتث مع البنات وبصبصة للحريم
وكتبت له على واتس قال يابنت الحلال الله يستر عليك وانتي مسافرة لاهلك وتراني ماراح استفتي عند الشيخ !!
باقي يدور بالفتوة حقت اول
وقام يهدد ويقولي خلاص مو كنتي تبين حمل هذاه جاك خذيه وروحي الله يستر عليك
انا طبعا ماحبيت استغل حملي واقوم اتكبر عليه لاني مو من هالنوع ولا بعد مالله رزقني اقوم انتقم منه واقوله تعال اوريك االي سويته فيني بالعكس اعامله احسن معاملة واتفقنا نساعد بعض عشان الولد ونوفر وكل شى
الرجال بايع بكل الاحوال يبغى يتخلص مني وواضح والله ياناس بمعاملته لي ماصار يقرب مني ابدا ويعطيني ظهره وقت النوم يعني مافي شى تغير حتى وانا حامل غير انه توهق بحملي واضظر انه يكون معي باخر اللحظات
في راسه شى او بحياته امراة اخرى رغم ان عليه ديون مدري اشلون يفكر بالزواج مرة ثالثة او حتى يفكر يتعرف وهو متزوج اثنين واولاد والي في بطني
عمموما انا ماكنت ابي هالقرار لا قبل لا احمل ولا بعد ماحملت بس الحياة معه مملة ومتعبة جدا
وخلاص كلن يروح يحاله وكافي جروح
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...