المشاركة الأصلية كتبت بواسطة الرااسي

بعدين اذا تبغون الصدق لكل المتزوجات مو لك انتي فقط يا صاحبة الموضوع ..


ممكن انه الرجل يكون حاط في باله انه بيشتري هدية لزوجته من راتب شهر رمضان ، يجي الراتب يتشري لها اغراض وملابس بمبلغ كبير يدمر الميزانية ، فيضطر المسكين انه يكنسل الهدية ويكنسل امور كثير ..

انا على سبيل المثال ما قدرت اهديها هالعيد بسبب الظروف المادية ، لاني اشتريت لها اغراض كثيرة ، اضافة الى هدية لامها بتقدمها لها وعيب انها ما تقدم لامها ، وهديه لاختها لانها تهديها ومستحية منها وهدية لامي ومبلغ مالي ، طبعا والله وبالله وتالله اني ما اشتريت لنفسي شيء لا ثوب ولا شماغ علشان اوفر لها حياة كريمة وملابس عيد جديدة وهدايا للي حواليها ، مع العلم انها ما نسيتني اهدتني وتشكر على كذا.

أنا فكرت في الموضوع كثير ، ليش اني اجلس اضغط على نفسي واحرم نفسي من لبس جديد للعيد علشان هدايا وامور ثانوية ..

اتوقع لو زوجتي عاتبتني على الهدية نحرتها وخليت العيد عيدين ههه

معليش يا اخواتي انا اتكلم من قهر والله يوم شفت هالموضوع لانكم تنظرون لامور ثانويه وصدقوني زوج ضاحبة الموضوع يتمنى انه يقدم ويقدم لكن الظروف المادية اقوى منه والدليل انه يضطر اذا اهدته ينحرج و يرجع يهديها ، وهي ما تدري يمكن انه يكون متسلفها ، ترا حنا يالرجال ما نحب نشتكي ..

عموما انا أحس انه مسكين مثلي ما اشترى لنفسه شي للعيد ، وراح الراتب لزوجته وفالاخير زعلانه انه ما حاب هدية خخخخ معليش يا صاحبة الموضوع بس عندي احساس انه احرم نفسه علشانك ..