نيجى بقى للعيد يا ملك........
قبل الزواج كانت أحلى فترة فالعيد بتكون من صلاة العيد الى الظهر..........بروح أصلى ( لية انتى مش بتروحى الصلاة جميلة جدا وهى اللى بحس فيها أصلا بالعيد )......دة غير والله اعلم تقريبا لها أجر صلاة العيد ....واسالى على فضلها
وبعدين كنت بقابل اصحابى ونفطر شاى وكحك عند واحدة منهم ونقعد ساعتين تلاتة كدة وبعدين نروح البلد عند قرايب بابا ونعيد عالناس ونلم العديه
بعد الزواج بنروح برضو نصلى الحمد لله
وبعدين نرجع نقعد مع حمايا ......عموما قعدة الصبح بتكون حلوة وبعد ساعتين تلاتة كدة بكون طبعا مش نايمة قبلها ليلة العيد علشان بنخرج نجيب لبس العيد
فالواحد بيبقى نفسه يحط راسه على المخدة بس بكون مستخسرة أضيع العيد فالنوم
وانا اهلى فى بلد تانية بينا وبينهم حوالى ساعة بالسيارة
بيقى بين نارين عايزة اروح لاهلى الحق العيد الصبح.......وفى نفس الوقت عايزين نناااااام
فالامر بيتوقف لو انى محضرة الشنطة وهنروح من برة برة هنتشجع ونروح علطول
لكن علشام غالببا بيبقى ناقصلى حاجات اخلصها علشان اروح اقعد عند اهلى كام يوم ......فبننام للأسف
وبعدين بقى يا نصحى نروح لاهلى يا أما ننزل عند اهله ونروح تانى يوم.....
اول يوم احلى يوم........وأحلى مافيه الصلاه.........غير كدة بقيت الايام تقريبا عادية.......
بس نفسى احضر الشنطة وكل اللى ورايا العيد دة من بدرى علشان الحق اعيد على اهلى بالنهار......ادعولى.
وملحوظة يا جماعة ......اللى بيقولو انهم بيستعدوا للعيد قبلها بكام يوم من تنفيض وكحك ولبس العيد وهكذا
دايما قبل العيد بيكون مواسم طاعة والحسنات بتكون مضااااااااعفة فيها
يعنى مثلا فى رمضان غير ثواب رمضان المضاعف نفسه كمان فالعشر الاواخر بنتحرى ليلة القدر اللى هى خير من الف شهر يهنى خير من 83 عام ........تقضوا اكتر من 83 عام فى تنفيض واللا فى عبادة وصلاة وقراءة قرءان ودعاء.....اللى هو اصلا اعمار أمة سيدنا محمد صلى الله عليه وسلم ما بين ال 60 وال 70 عام
يعنى ليلة القدر ليلة واحد لكن لو كانت فى عبادة تبقى كأنك قضيتى اكتر من عمرك كلة عبادة وعبادة متصلة بدون نوم ولا اى شىء تانى زى اللى بيحصل فى ايام عمرك.........
وكذلك عيد الفطر ......قبله بعشر ايام ......موسم طاعة والحسنات بتكون مضاعفة
ملحوق يا جماعة على الكحك والتنفيض
يا اما حضروهم من قبل رمضان........
وكل عام وانتم بخير