رد : خاص للمتزوجات.. كيف تحسين بزواج زوجج؟؟؟
اقتباس:
المشاركة الأصلية كتبت بواسطة فاكهة الشتاء
انزين روضة
سالفة تعيشين في بيت ابوج ما نقول شي لان هذا شرط الوالد حسب ماذكر
بس مهر ، شبكة ، زهبة ، حفلة عرس
المفروض ان حاله من حال اي شاب مقدم على الزواج
يمشي على الزواج حسب الاصول ،،،
مصاريفج عقب الزواج ياروضة ما نقول فيها شي
وايد زوجات شرواج شالات عمارهن
بس قبل الزواج هذا حقج
لو فعلا يغليج ما بيرضى ياخذج ببلاش
ماقولج قصي ظهره
بس يسوي اللي يقدر عليه اكراما لحبيبته اللي مستعدة تعينه بكل شي
بعدين شو قصدج نسلفه ؟!
يعني تسلفينه مهرج ؟!!!
|
الغاليه انا فاهمتج سالم مابيتقدم الا وهو مرتب اموره.. من قال بلاش
مايصير ابوي يشل نص العرس؟؟
وبعدين اي عرس دخيلج انا مابا زفه ولاابا قاعه ولافستان .. اوكي شعور حلو بس ماباه من خاطري.. وايد ناس املجوا في البيت وتسهلوا واهم شي عشا الرياييل وها مقدور عليه والله.
سالم عايش ع راتبه بس حزة الحزة يلقى خواله شاد ظهره فيهم..
واذا ع نسلفه اسلفه اي مبلغ ليش لا رد لكلام الاخت عن المهر. صار المراجل تنقاس بالفلوس عندكم