الله يعينك يا روح.. تأثرت بكلامك جدا..
وارجع واقول انتي صح مليون بالميه..
تفكيرك هو الطبيعي والسوي واللي تطالبين فيه من حقوقك..
بنفس الوقت زوجك يكسر الخاطر..
لانه مايسوي كذا بدافع عنادك او استغلالك او لؤم..
هو ضحية سوء تنشئة.. دلال زايد.. اتكاليه..

انتي حاولي تعززين فيه جانب تحمل المسؤوليه..
اربطيه عنده بمفهوم الرجولة.. والأبوه..
اذا عمل شي بسيط شجعيه.. حسسيه انه سوبرمان..
سميه الهيرو.. البطل.. العزوة.. شي زي كذا..
وبنفس الوقت حسسيه بضعفك واحتياجك له..
لا تسوين نفسك عنتر قدامه ابدااا..
حتى بالاشياء التافهه..
مثلا اذا طبختي وحطيتي الاكل بالصينيه ناديه.. قولي حبيبي شلها ثقيله علي..
وطبعا مايحتاج اقول لك تنادينه عشان يطلع زباله البيت.. هذا شغله..
اشتغلي عالفروقات اللي بينكم.. حسسيه بقوته البدنيه كخطوه اولى..
بعدين انتقلي لمرحله الامور الماديه..
اذا شرى شي حتى لو تافه.. طيري فيه وافرحي..
قولي هذا اثمن (اسم الشغله) جتني بحياتي لانها منك وعلى ذوقك..

انا ادري هالامور يبي لها مزاااج وطولة بال..
بس هم الرجال كذا يبي لهم نفس طوووووويل..
لكن نصيحه ابعدي عن المواجهات والنقاشات.. والله مامنها فايده..
ولا تخلينه يقارنك بأمه ابداااا..
دايما لمحي انها من جيل وانتم من جيل ثاني..
خليه يشوفك ستايل عملي ويعيش معك المشاركه وتحمل المسؤوليه..
وحتى لو بيشيل معك الاغراض.. افرحي وسولفي..
عشان يستمتع بمفهوم المشاركه معك..
الله يعينك ويسخره لك..