رد : أريد النصيحة
السلام عليكم ورحمه الله وبركاته
اخي الكريم
سبق ونصحتك بامر كان ممكن ان ترجعها لك
كنت ناطرة اعرف رايك عنه وخصوصا انك قلت بتقرا الرد مرة اخرى
وبعد غيابك فكرت ان الامور صارت احسن والوضع انحل والحمدلله
لكن الحمدلله على كل حال
اخوي انصحك تخلي اولادك عندها شهر الفضيل --- كم يوم --
اتركها تتحمل مسؤوليتهم وتشوف تعب الحمل لوحدها
واكيد هي واهلها بيشعروا بالثقل
اخوي انا بكمل لك نصيحتي على اساس انت ما قرات الرد السابق و الحين بكمله لك وفكر فيهم مع بعض
اخوي اتصل انت على اولادك وقول لهم بالحرف
انتوا راح تبقوا مع امكم برمضان لان انا عندي شغل مهم ابي اخلصه وما ابيكم تكونوا بالبيت
وخبرهم انك راح تسجل اختهم بالمدرسة القريبة من بيتك لانها بترجع معكم على العيد
بعد كم يوم اختك تتصل عليه وتخبرها انك خلاص نويت تتزوج وانك تركت الاولاد عندها حتى تفضي البيت لك ولعروسك
وان اختك لقت لك البنت المطلوبة
لكن خوفها من الله اجبرها ان تتصل عليها ان كانت تبي ترجع تلحق عليك قبل ما تنهي الموضوع
يعني تعطيها الاسطوانه اياها
--------------
وتشوف
ان الله هدا زوجتك -ان شاء الله -ورجعت لعقلها ولبيتها كان بيها خير
وان ككبرت راسها وعاندت
فاكمل على الاستخارة بخصوص الزواج مرة اخرى الى ان يرتاح قلبك وتوكل على الله وتزوج
اخوي انت بدات امورك باستخارة فانصحك ان تمشي على الاستخارة
فاما ان تستخير وتمشي عليها
او من الاول لا تعمل استخارة وتوكل على الله
ان زوجتك ما رجعت والوضع ما تغير
اخذ عيالك منها اخر عشرة ايام من الشهر ووديهم لاهلك يكملوا الشهر عندهم واشتري لهم مقاضي العيد
براحتك وبدون اي ضغط
واكمل على الاستخارة
ارجوك لا تقدم على الزواج الى ان ترتاح للاستخارة وكمان تكون ابريت ذمتك امام الله و اولادك بخصوص امهم
انت استحملت كثير وصبرت تقدر ان شاء الله تصبر شوي بعد
وتكون ما قصرت ابدا ما شاء الله عليك
اخوي اسمح لي ان اوصيك شي 
اخوي ارجو منك ان الله كتب لك واراد ان تكون لك زوجة ثانية على عصمتك
ان تعدل معها وان لا تظلمها --اقصد الزوجة الثانية -
لما ترجع الاولى
لان لنا الكثير من الاخوات هنا من هم --- الزوجة الثانية --
والي كان زواجهم مثل وضعك
يعني الزوجة الاولى زعلانة او حتى مطلقة ويتم الزواج للثانية وتعود الاولى
وينصرف الزوج للاولى وينسى الثانية ويظلمها
ادعوا الله ان ياتي شهر الخير ويحل الخير كله عليك وعلى دارك
وينصلح حالك
اللهم امين يارب العالمين
__________________
سبحان الله و بحمده
عدد خلقه و رضى نفسه
و زنه عرشه و مداد كلماته
~♥¤♥¤♥¤♥~