روضة ياريت ياحبيبتي تروقي شوي و تعرفي انو احنا مالنا دخل بالموضوع نهائي ولا مستفيدين شي ولا بنعرف زوجته الاولى ولا جايين من طرفها ... احنا فقط وفقط وفقط بدنا مصلحتك وخايفين عليكي وفقط بكل معنى كلمة فقط
انا حاسة بتفكيرك تماما ... مو شرط اكون مريت بنفس التجربة انما مريت بنفس العناد و نفس الاحساس ونفس عميان البصيرة بسبب اصراري الشديد على امر معين واصراري رغم اراء الي حواليه بانو هادا مش في مصلحتي و كنت اغمض عيني وبالنهاية اعمل الي بدي اياه و مااتعلم الا من تجربتي ...
وقلتلك مو شرط الي بقول عليه يكون نفس الي انت مريتي فيه انا بقول على الاحساس النفسي والانساني بهيك مواقف
صراحة انا حاسة كل هالكلام الي بنحكيه عالفاضي و انك معاندة و مصرة تماما على موقفك
و انا متاكدة وان رديتي علية هلأ و نفيتي كلامي ... انا متاكدة انك احيانا من داخلك تشعري ان كلام البعض صح وان ماتقدمي عليه فيه وفيه وفيه مما ذكروه الاعضاء ... وترجعي تقولي داخلك لا اكيد انا حكون غير وتجربتي غير انا ماهمني وانا ايزي و انا مغامرة وماتهمني النتائج
لهيك حاسة كل شي بنحكا عالفاضي والي براسك هوة براسك ...
عموما الله يوفقك و يقدملك الي فيه الخير وعملنا الي علينا و كل شيء بارادة ربنا
و لي طلب منك ... خففي من حدتك في الرد على بعض الاعضاء الي بقولو كلام مابعجبك
وانا هنا لااقصد ردودك علية لانو ماحسيت انك كنتي حادة معي لكن لاحظت حدتك في الردود فاللطف ماكان في شيء الا زانه ومانزع من شيء الا شانه
فقط نصيحة ... وربنا يوفقك

__________________