رد : بوح الخواطر .. رجع لي بعد الغيبه ..
الأخت الغالية روضة الله يوفقك ويسعدك ويكتب لك إللي فيه الخير يارب وأسال الله العظيم أن ينزع الغيرة والهواجيس الشينة اللي تطري على بالك ويصرفها عنك ويجمعك باللي تتمنينه يارب
بالنسبة للمشاركات أخواتي الغاليات في مشاركاتكم كلها حسستوني إن سالم هذا ريموت كنترول عند روضة وكل مابتضغط الزر على ok يطلع لها موافق ترى هو رجل وأكيد يعرف شرع الله وإنه يخاف الله ويتقيه في الثنتين يعني لو يبي العدل ومايبغى الظلم راح يقنع الثنتين ويرضيهم كلهم وكل زواجات التعدد تلاقي فيها حساسيات وغيرة بين الزوجات وشئ طبيعي ومتعودين نشوفه بحياة كل المعددين إن الزوجات كلهن الأولى والثانية بتحظى بنصيب الأسد من هالفارس المغوار وكلن تبي تجذبه نحوها بطريقتها ومافيه عيب في المنافسة ولا حرام إذا كانت مافيها ظليمة لأي طرف وإن شاء الله إن روضة بنت حلال وتخاف الله وتتقيه وماراح تضر أحد وكل هالكلام اللي قالته بحق الأولى مجرد وساوس من الشيطان وخرابيط تجي وتروح بعقل كل فتاة مقبلة على الزواج من معدد وإن شاء الله عقب الزواج كل الأمور تزين وتضبط وسالم بعون الله ماراح يظلم أحد من زوجاته بدليل عدم تخليه عن الأولى إن شاء الله إنه إنسان فيه خير ويسعى لتوفيق بين زوجاته ويعدل بينهم بما يرضي الله عز وجل .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 23-07-2013 الساعة 07:03 AM