ختي الكريمة تقوي الله

أولا تسلمين على ها الموضوع المفيد والرائع


أحب أضيف نقطه تسمحين ولا الموضوع ما يحتمل إي أضافه

أنا جربت مع عيالي شي وبصراحة جاب نتيجة طيبه جداً أتمني من الجميع

تجربتها مع عيالهم في البديه هي صعبه بس مع التكرار راح يكون هناك تجاوب

في جلستنا للقهوة أحب اسئلهم وش الأشياء اللي ما تعجبهم فيني كأب

في البداية كانوا يستحوا ويخافوا ، بس قدرة انزع منهم الخوف لدرجة صارو يتكلموا معي عادي

بدون تردد وأي خوف ، قلت لهم ما يخالف أنا مستعد أغير أسلوبي بس انتوا تتغيروا، إذا طلبت منكم

تتغيروا في إي تصرف يضايقني، التفتوا لبعض وكأنهم حسوا أني أحرجتهم، وبنوع من التحدي والعناد، قالو إيه، ومن هاالطريقه بنيت جسور تفاهم وثقه كبيرة بيني وبينهم

ممكن ظروفي تختلف عن الآخرين بحكم أني أنا اللي مأخذ دور الأب ودور ألام في البيت

بس صدقيني تربيت العيال أصعب من إي شي في الحياة ، لازم تكونين صبورة ، وتنزلين قد ما تقدرين لمستوي

تفكيرهم وعقليتهم ألخياليه الغير مدركه لبعض الأمور ألمستقبليه.


تسلمين ياتقوي الله ولا تحرمينا من مواضيعك الشيقه والمفيده