ياخوي تدري ليش انت مضايق ومعصب،وحاسس كرامتك انهانت ووو.....الخ
أنت كان ودك هي اللي تبادر وهي اللي تتنازل،،وهالشي ماحصل،
يا أخوي إنت بادرت بالصلح لكن بنفس غير صافية ، بادرت بنفس غير راضية،،بادرت وإنت جابر نفسك وضاغط على أعصابك...

يعني مو معقولة ياخوي ماناقشت زوجتك فيما يضايقها منك..
ياخوي شخصيتك جدية جدا جدا جدا،،،ياليت تخفف من جديتك وتكون مرح بعض الشئ وتأخذ اﻷمور ببساطة
أكثر،،

ياخوي يوم قالت لك زوجتك (أنا خايفة)
ليتك ضحكت ووسعت صدرك وطولت بالك وسألتها بكل بساطة وبكل مرح (وش اللي مخوفك مني)
طبعا هي بتسرد لك مخاوفها في نقاط
1
2
3
.....الخ
ليتك ناقشتها وأبعدت عنها كل المخاوف بكل بساطة ودعابة ومرح (ﻷنكم ناويين تفتحون صفحة جديدة)

ثم
تقول لها بكل حب ومرح (وأنا كمان بصراحة خايف منك)
يجي دورك طلع اللي في قلبك و عبر لها عن مخاوفك منها في نقاط
1
2
3
.....الخ

هنا ستتناقشون ويكون دورها هو الوعد بإصلاح نفسها وابعاد المخاوف عنك

ضع النقاط عل الحروف بهدوء نفس..
ياخوي بالذات مريض السكر والضغط لازم يضحك ويفرفش ويبعد الهم والحزن عن قلبه..

ياخوي نصيحة من أخت لك في الله اصلح مابينك وبين زوجتك ورجعها بيتك،واجمع عيالك من التشتت والضياع،
لا تحوج عيالك يتنقلون بيت جدانهم ،، ﻷنهم مايرتاحون إلا ببيتهم وبين أمهم وأبوهم،

ياخوي لا تخلي عيالك يتربون عند أحد أيا كان هذا اﻷحد وإنت حي راسك تشم الهواء،
ياخوي الحياة قصيرة ومحد منا يدري كم باقي من عمره ليتك ماتضيع العمر الباقي في الحزن والزعل،

تأكد ياخوي حل المشكلة بعد الله بيدك أنت ،
لا تنس أن الرجل هو الطرف اﻷقوى ،،والمرأة هي الحلقة اﻷضعف واﻷكثر خسارة.