اقتباس:
المشاركة الأصلية كتبت بواسطة العـ/الفريد/ـقد
يا حبيبتي يا أم بلال والله اقرا واضحك اقول
حتى الحلوين اللي في الأردن زي حالنا
ترى كثير من عوايدنا وتقاليدنا تتشابه حتى بعض العوايل عندنا نفسها
عارفه والدي حريص كذا بس كنا نعرف نسايسه
وناخذ اللي نبغاه منه ومره ننجح ومرات نفشل
بس ماكان فيه واسطات بيننا وبينه وفهم علينا اكثر
وصار عارف جونا وفاهم نفسياتنا صار قريب قريب
مننا .... واحنا فهمنا عليه وايش يبغى بالضبط
فنعطيه اللي يبغى واذا زركن معانا قلناله تذكر فعلنا
عشانك وعملنا وتنقلب الجلسه أحيان شكاوي ودموع تماسيح
ونقوله خلاص ماعاد نوفي معاك انت وعدت وماوفيت
المهم كنا نسوي فيه مقالب وهو يرجع الطابق مطبوق
ويجلس يضحك انه زعلنا واخذ حقه
يا ليت بينهم هالميانه
المشكله انه مع اول كلمة أو محاولة نقاش يعصب ويقول لهم هذي قلة أدب .. مجرد تبريرهم لأنفسهم ودفاعهم عن موقفهم بالشرح أو التذكير يعصب وأسمعه يسب علينا كلنا ويتهمنا بالكفور والفجور .
اكتشفنا انه بس يبغى يعرف احنا ايش نسوي لما
نغيب عنه.. مين أصحابنا ... لازم برنت كامل
ياخذ برنت كامل وأصحابهم هم نفسهم من سنين ومعاهم بالمدرسة ونعرف أهلهم
ما يعرف يعيش الا واحنا حوله نشاركه كل شي
نسولف معاه نضحك معاه نركض في البيت ونلعب سوا
انت اعطي عيالك استراتيجيات التعامل معاه
أعطيتهم اللي أعرفه ..يسكتوا وقت يعصب ..يسووا اللي يرضيه .. يجلسوا معاه ..لكنهم يعتقدوا انها استراتيجيات فاشله وأثبتت فشلها فليش يتعبوا نفسهم .
وسيبيهم وريحي راسك وخليهم هم يخارجوا نفسهم
معاه ولازم زي ما ياخذوا يقدموا ولازم يرضوه مهما حصل
ويحطوا في بالهم انه اذا ضحك معاهم شوي وصاروا أصحاب
مو معناته راح ينسى مهمته الأساسيه كأب ..
راح يبقى يراقب ويقدم اختبارات واللي يسقط الله يساعده....
|
ما راح توصل للضحك لكن المبدأ عجبني وفعلا غاب عن بالي أنبههم له .. لو حسوا انه ريح شوي وما عاد معصب فمو معناه أنه وقف اختبارات