رد : بوح الخواطر .. رجع لي بعد الغيبه ..
اقتباس:
المشاركة الأصلية كتبت بواسطة بنت بوظبيxAD
مهرة
انتي اخت وعزيزة ونصيحتج اتقبلها بصدر رحب ..
بس بضطر هالمره اتجاهل النقطه اللي انذكرت عن نور عيني خليفه لانها اتخذت منحنى اخر بعيد عن موضوعي ..
مب بعيدة عن الموضوع فديتج .. سؤالي: بترضين على خليفة اللي تبينه من سالم؟!
الجواب بسيط .. هيه والا لا؟!
مهرة كيف موب حال الناس؟؟ مافي شي قاصر علينا بفضل الله والزوج اذا ماعنده الزوجه تسد مكانه وبعدين انا موب خسرانه شي على الاقل اطلع بياهل من تجربتي بشخص يباني واباه بشرع الله واذا مااتفقنا كلن في حال سبيله اختيه محد ايده قاصره الحمدلله
وتالي يروم يعيش حياته بكيفه الله يوفقه لو ماقدرنا نستمر والياهل في حضانتي بعيش وانا مستانسه مع النونو وواهليا ربي يحفظهم وشهادتيا في مخباي بتوظف ساعتها اذا اباه واذا ماباه ابويه ربي يحفظه موب عيزان عن عياله ولا عن عيال عياله .
تسد مكانه متى؟
يوم يكون الريال قائم بواجباته ومسؤولياته على أكمل وجه .. مب مقصر في شي .. بعدين يشاء الله انه يتعرض لعثرات مثلاً ... فنعم هني نقول الزوجة تسد مكانه .. وبتكون أصيلة وبنت ناس يوم توقف معاه وتعينه .. لين يوقف على ريوله مرة ثانية.
يوم يكون على قد حاله ويحتاج زوجته تعينه .. ويتفقون على المشاركة في تحمل المسؤوليات .. ويكون ريال والنعم فيه يستحق ويقدر اللي تسويه زوجته له .. فنعم هني نقول الزوجة تسد بعض جوانب النقص.
لكن الزوجة وابوها يشيلون كل شي .. وهو مرتاح من هم المسؤولية؟!!!!!!!!
بعدين مع احترامي الكبير لابوج الله يبارك في عمره .. وتقديري التام لحرصه على راحتكم وسعادتكم .. لكن من اللي قال إن الأب ملزوم يصرف على بنته المتزوجة؟! .. ومن اللي قال انه محاسب؟؟
أبوج يتصرف انطلاقاً من عاطفته كأب وكرم منه .. الله يجزاه خير .. لكن المحاسب فديتج هو الزوج لأنه هو المسؤول أمام الله عن زوجته.
همسه .. مهره عندي اخت مطلقه من ولد عمي زواج تقليدي طبعن واليوم متزوجه بمتزوج عقب ماعرفته هو كويتي والحين في الكويت وصار تحتها اربع بيبيهات ربي يحفظهم ابويه لليوم ينزل مصرفها في حسابها لانه عالم بظروفها و ظروف زوجها كان معارض في البدايه بس ماقدرت تتحمل الوضع والعيشه ساعتها ابويه تدخل واقنع زوجها انه الاب ملزوم من عياله لانه محاسب عند الله وعيال عيالها اذا الزوج رافض ماارح يصرف على عيال الزوج تخيلي البيت اللي استأجره ابوي لاختي يدفع مقدم سنه جدام . وكل شهر مصرفها في حسابها ينزل .. ومرات ابوي يقولي روضه دقي على خواتج جوفي محتاجات شي اقوله ان شالله يعني وين الاهانه للزوج اهني..
بالعكس سعيدين ومستمرين ..
|
روضة سامحيني .. بس الزوج اللي يقبل ان ابو زوجته يصرف عليه بكل أريحية بدون ما تعوره كرامته .. وبدون ما يحس بنفسه صغير .. صغير وايد جدام زوجته وأهلها .. ما ادري شو اقول عنه؟!!
اقتباس:
المشاركة الأصلية كتبت بواسطة بنت بوظبيxAD
وبعدين انا موب خسرانه شي على الاقل اطلع بياهل من تجربتي بشخص يباني واباه بشرع الله واذا مااتفقنا كلن في حال سبيله اختيه محد ايده قاصره الحمدلله
|
متأكدة مب خسرانة؟
مب خسرانة اذا اكتشفتي انه يبا يستغلج مثلاً؟
مب خسرانة اذا اكتشفتي انه يدور متعة نفسه بدون خساير وبدون ما يكلف على عمره؟ .. وانتي الوسيلة والبنت الجاهزة لهالدور؟
لا تقولين انتو ما تعرفون سالم .. صح احنا ما نعرفه .. وانتي بعد ما تعرفينه زين .... عشان جذي مثل ما تتوقعين منا نحط احتمال انه صادق معاج فلازم بعد نحط الاحتمال الثاني.
وإذا صدق الاحتمال الثاني واعتقدتي انج بعد ما بتكونين خسرانة .. وعادي كل واحد يروح في حال سبيله .. فهذا معناه انج ما تحبينه يا روضة .. وانج بس تبين (تشترين) زوج لمهمة معينة وخلاص.
__________________
اللهم طِيبَ الأثر .. وحُسْنَ الرحيل.