رد : بوح الخواطر .. رجع لي بعد الغيبه ..
اليوم الموافق 10/7/2013
وعيت على الساعه 8
طرشت مسج لسالم اتاكد من حسابه في البنك نفسه قبل ثلاث سنين او غيره .. سالم اتصل بي لكن اصريت في البدايه يكتب رد لجوابي في المسج وقالي نفس البنك ماتغير
رحت البنك حولت مبلغ لاباس به على حساب سالم
هذا شي في نفسي موب من سالم سالم عمره ماطلب مني شي بس انا حبيت اهديه شي بسيط موب من قدره قدره اكبر من هديتي له
سالم اول شي رجل متزوج وراتبه ضعيف وماعنده دخل ثاني غير راتبه ويدفع ايجار شقته صحيح سالم مايصرف على امه لكن كونه شاب من حقه يدلع نفسه شوي
سالم
استغرب تصرفي وتكلمت معاه المكالمه الاخيره من تلفون المرحوم بطي لانه رقمي ماعطيت سالم بعد ماغيرته
رقم بطي راح اغلقه طول شهر رمضان
الكلام اللي دار بينا كنت في امس الحاجه اني اتلكم معاه لو لمره بس
قالي ليش سويت جي يعني ليش حولت ل مبلغ هالشي خلاه يشعر بالاهانه قلته تقدر تفرهم في البحر او تحرقهم او تسوي اللي تباه
بس الشي اللي من الخاطر اقبله بدون لاتقول ليش
عطيت سالم رقم ابويه وقلتله سالم انا ماراح اتواصل وياك بعد اليوم انا ابا استغل هالشهر الفضيل علشان اراجع حساباتي واصفي نفسي وارضي ربي
ورقم ابويه عندك اذا مازلت عند رغبتك فيني كزوجه راح تسمع ردي من ابويه ماارح ارد عليك انا
انا محتاجه في هالوقت ارجع روضه اللي ماكنت تفكر في هالجانب بحياتها
سالم استغرب وسلني سؤال قالي
روضه بتقبلين فيني وانا متزوج
رديت عليك بهدوء وقلتله سالم عندك استعداد تنفصل عنها عشان روضه؟؟
سكت ويوم سكت فهمت انه ماعنده استعداد انه ينفصل عنها
سكت وطال السكوت فتره من صوبي وصوبه وتالي قالي روضه الله بيعاقبني اذا ظلمتها وانفصلت
وانا احبك وشاريك ياروضه
قلتله سالم انا أموت فيك واغار ومشاعري موب بايدي من جي طلب منك تتركني في حالي انت رجعت وفتحت جروح قديمه وماادري شو سبب رجعتك
قالي احبج ياروضه هذا سبب كافي .. قلتله ادري انك تحبني بس اتركني الحين في حالي خلني افكر وعقب العيد ان كان لنا من العمر اتصل والدي وراح تسمع الجواب منه بردي
قالي روضه يعني انتي موافقه تتزوجيني وانا متزوج .. قلتله من جي اطلب من فتره وبتسمع ردي من ابويه ولاتضغط عليا انا موافقه
بس اتركني افكر واستخير واتخذ قراري بشكل جدي بعيد عن المشاعر
قالي طمنتيني ويلس يقولي والله لاحطج تاج على راسي وبصونج وبحافظ عليج ومن هالكلام وفهمته اني مظطره انقطع عنه عشان افكر براحتي وقالي خذي راحتي وانا اوعدك بعد العيد عند ابوك اوعدك وارجوك ياروضه لاتبيعيني لاني شاريك وابيك قلتله اوعدك ياسالم اللي الله مقدرنه بيصير
واستودعته الله وسكرت وغلقت تلفون بطي
وتركت تلفون بطي في مكان بعيد عني عشان مااقدر اوصله انا احب اخوي بطي وماهان عليا اترك تلفونه بعيد والله يشهد ياخواتي وطالما اني تواصلت من رقم بطي مع سالم لازم احترم اخوي ومااحاول اتواصل مع سالم من رقمي الخاص
يمكن هالتصرف محد بيفهمة وماراح الومكم لكن انا مااعرف كيف افسر لكم تصرفي بهالطريقه الغبيه او ساذجه او شو ماتكون ..
بس حسيت هو تصرف مناسب عشان ابتعد عن سالم
حتى لو اضطريت ادفن رقم بطي مثل ماهو مدفون بعيد المهم اني اتصرف صح ..
سامحوني اذا قسيت او اسات لكم او تكلمت وايد او قلت شي يجرح المراهقين مثل مالبعض يقول
لكن انا كنت في حاجه للبوح على اساس استغليت هالمساحه
بس برتاح الفتره اليايه مع نفسي عشان افكر صح وانتظر خطوه سالم ان تقدم لي بيسمع ردي من ابوي
التعديل الأخير تم بواسطة بنت بوظبيxAD ; 10-07-2013 الساعة 02:20 AM