اقتباس:
المشاركة الأصلية كتبت بواسطة بين اولادي
السلام عليكم
انا متابعه قديمة للمنتدى
وقررت أسجل أخيرا,,,,
عزيزتي احنا مانعرف طبيعة زوجك لاكن اللي نعرفه جميعا اننا مانحب وجع الراس ..واكثر شي الرجال...يمكن احنا الحريم لاشفنا أزواجنا متضايقين او زعلانين نبادر ونسألهم وش فيك وليش زعلان....الرجال يعني ثقيلين بزيادة
حبيبتي من واقع تجربة مع زوجي اكثر من 20 سنة
وان كان وضعي عكسك تماما لاكن ممكن تستفيدي منها
في الماضي اذا زوجي زعل وظل صامت مايتكلم يعني يكظم غيضه في نفسه كم يوم وكان ينتظر مني اجي لعنده
كنت اروح له واساله وش فيك وش مزعلك وأتحايل عليه لدرجة البكاء؟؟!!! وكان احيانا يتكلم معي ويعلمني باللي مزعله وأحيانا كثيرة يرد عليه بهدوووء وإستفزاز (مافيه شي) وش مزعلني مايزعلني شي...من جد كنت استميت ارضيه وادور رضااه
الله يهديه ويسخره لي ولعيالي زعول وانسان نكدي ومزاجي صاااامت ينبسط يوم ينكد عشرة
سنين وكنت اجاريه واحاول افهمه,,,,
المهم......تعرفين وبعد هالسنين ايش اللي صار,,,,ترررررررركته يعني ما اقول لك صرت أطنشه ,,لا..لاكن صرت اتركه ما ارضيه الين يطيح الحطب اللي في راسه...اسولف معه اقوم بحقوقه زعلان خلاص انشغل عنه بكل مايسليني ويبسطني
إلا في حااالة وحدة..ان اكون انا المخطئة فلا والله اروح وارضيه واعتذر منه وابين له اسبابي
كان مره يتقبل ومره مايتقبل....كنت في الماضي اتضايق وازعل وابكي وأحلف له واتوسل له وياااربي بس الحمدلله....الحين لاااا والله ماعاد اعيد اعتذاري ولا عاد افتح معه اي موضوع واذا حاول يفتحه مره ثانية وثالثة اقوله خلاص اتوقع اني اعتذرت واعترفت لك بخطئي ولاعاد بتكلم معك في هالموضوع,,,
((عودته__وحطي تحتها الف خط)) وبعد كل هالتعب والسنين اني اذا زعلت من موقف او تضايقت افتح معه الموضوع على طول واتناقش معه وقلت له كم مره اذا (أنت) زعلت او فهمت اي موضوع بشكل يضايقك اعمل مثلي كلمني واطلعني ونتفاهم بدل ماتجلس كذا متضايق وزعلان ونقضي الايام في صمت ونكد الدنيا ماتستاهل
هو يوم شافني ابدا خلاااص ماعاد أسأله ليش زعلان ليش متضايق خاصة اذا كنت واثقة من اني ما أخطيت في حقه..وحده من ثنتين يا انه يرضى ويرجع من نفسه يا انه فعلا ومثل ماعودته يناديني في يوم ما ويناقشني ويفتح معي الموضوع اللي مزعله
اللي بوصله لك.....اذا كنت زعلانه حبيبتي لاتنظرين منه يجيك ويوجع له راسه وبيسألك وش فيك وليش متضايقة!!!!لا حبيبتي معليش لاتحلمين إلا من رحم ربي بس.....علشان ترتاحي انت افتحي معه الموضوع اللي مزعلك ومضايقك وتناقشي معه وأطلعيه على اللي مضايقك منها انك تفضفضي ومنها تطلعيه على حقيقة الوضع اذا هو غلط عليك او كنت ظالمته..
والنقاش يكون بهدووء ومن غير صياح وبكى...صح اننا يالحريم مانقدر نسيطر على مشاعرنا بس نكرر ونحاول الين نتقن فن النقاش الهادئ..لاتنتظري منه هو يجيك...ترا مو شرط أغلب الرجال كذا الله يهديهم
فلا تعطي هالموضوع اكبر من حجمه خاصة اذا كانت الوحدة فينا متأكدة من عمق العلاقة اللي تربطها بزوجها وبمكانتها عنده
صح كونه يجيك ويهتم فيك شي حلو ورائع...لاكن انت اتركيه ولاعاد تطلبيه ولاعاد تلحي عليه يمكن يوم يفتقدك ويستغرب انك ماعاد تطلبيه ويجيك من نفسه,,,والله يوفقك ويسخرلك زوجك
|
اول شي الله يجزاك خير على مداخلتك الطيبة معك حق في كل ما قلتيه وهنيئا لانك توصلت لحل يرضيك مع زوجك
انا مشكلتي لست متقبلة لتعامله معي عند الزعل احاول ان اقتنع واتقبل ذلك لا استطيع وينتابني احباط منه ومن علاقتنا ككل واصير شاكة في حبه لي اقول في نفسي اللي يحب مايسوي جذي مع حبيبه ومايحسن يخلليه زعلان ومتضايق كيف ما كان السبب
هذا ما يسيطر على عقلي حينها ويحبطني
اكثر شي اتمناه منه عند الزعل ان يهتم ويستوضح الكلام او التصرف اللي خلاني شايلة في قلبي عليه بدل ان يتركني صامتة ويتجاهل زعلي لو كان يستوضح موقفه من البداية حتى دون اعتذار لكن وفر عليا الكثير من الصمت والزعل
امس تحاورنا على هذا والحوار جاء بالصدفة فقط لانه يستحيل ان يستهل او يبادر ويحاورني الا في احيان جدا قليلة قلت له كم مرة علمتك كيف تعاملني لما اتضايق وما تطبق وتحسن من نفسك تعاملني عادي وتتجاهل وضعي قال انا من طبعي التغافل عن الامور حتى ما نتوقف عند اي شي ونعمل من كل شي مشكل ونجلس نتحاور لساعات فانا افضل تمشية الامور والتغافل قلت له ايش رح تخسر يعني اذا استوضحت تصرفك اللي خلاني اشيل عليك بدل ما تخلليني اخذ الموضوع حسب فهمي واظل زعلانة
قال طيب انت ليه ما تسئليني ايش قصدك يا فلان,,,اخبرته ان وقتها يجيني صمت رهيب ما احسن اسئلو او اتكلم استناك انت تبلش...
والله ما اطلب منو شي صعب او مستحيل بس الله يهديه لما اقولو ليش يقولي وانت ليش كذا وكذا يعني ما يقتنع بكلامي من اولها ويقعد يجادلني وافضل العودة الى صمتي من جديد
ومن جهة اخرى اقنع حالي بطريقة تفكيره وان معظم الرجال مثلو لكن قضية ان الرجل اللي يهمو زعل زوجتو ما يتصرف جذي تسيطر عليا وهذا يجعلني في دوامة من الاحباط
اتمنى ان اتقبل طريقته معي ولا مبالاته وان اتكلم واستوضح منه عن قصده بدل حالة الصمت التي تنتابني عند تجاهله لما يضايقني
فهو فعلا عند الزعل يعاملني كما يعامل الرجال مع بعضهم يتركني في كهفي ويمارس نشاطه عادي وانا وقتها احتاج منه للاهتمام والسؤال ولمعاملة الانثى مع الانثى ولو لم اخبره بهذا مرارا سيهون الامر عندي واقول هو على نياتو لكني اخبرته بذالك واعطيته فكرة عما احتاجه منه وقتها
وحين ذكرت له هذا امس قال وانت ليه ما تتذكرين ايش قلت لك وتعملين به انا كم مرة قلت لك ما توقفين عند كل نقطة وتصمتين وتكتفين بفهمك فقط كان الدنيا توقفت عند ذلك
مشكلتنا يا بين اولادي ان كلانا راسنا يابس وكل واحد يشوف حالو صح