يمكن اكون الوحيده اللي احس فيك من اللي اعانيه
انا اقدر الهدايا بشكل مايعلم فيه الا ربي ولايهمني بكم ولا اني محتاجه لها او لا
بس فكره احد يهدي لي تاسرني شعور جميل وتخيل لما يكون شريك حياتك يعني حاجه ماتقدر توصفها

اذكر زوجي جاب مره ورد وقال بزرعه بالحوض عندك كان عندنا حوض وماعمره حط لي ورد فيه وفي بيت زوجته دايم يجيب ورد ويزرع لها انا طبعا ماعمري فكرت اطلبه يزرع لي مثلها كنت ابيها هديه يقال اني مسويه رومانسيه

المهم جاب ورد بالليل وطلعت ل دوامي وانا ماشيه الصباح دخل السواق يزرع الورد رحت الدوام رجعت مافيه ورد استغربت جيت بساله قلت اول بسال الشغاله قلت مادخل السواق للحوش يزرع ورد قالت بابا خلاه يدخل وشال الورد وراح زرعه في بيت ماما ثاني جتني جلطه الا شوي بكيت اكثر من ثلاث ايام وتهاوشت معاه قال تراه ورد مايسوى شوف المساله احساس وذوق لااقل ولااكثر ناس تفرح بميداليه قيمتها خمسه ريال بس تكون من شخص غالي

وناس لو ايش ماتهدي ماعندهم دم انا قبل لااتوظف كنت اهدي زوجي وكان يضحك يقول تهديني من حلالي توظفت وصرت اهدي من راتبي ولاعمره اهدى لي حاجه لمحت واخر شي صرحت قال مصروفي عليك هديه

يمكن هي تعتبر كلامها ادبها اخلاقها لبسها وكشختها بمثابه هديه لك بعض الناس ماتقدر هالحاجات وممكن تهدي الناس لمصالح يعني حتى لو اهلها اكيد مجاملات

لكن ماتوصل تكرهها طبعا انت عطها امثله تلميح وفيه ناس تجي بالعين الحمراء بطل تهدي خلك على الاساس بس لكن جرب واشتر هديه وخلها تشوفها وعطها ل اختك امك خالتك اي قريبه لك صلح مثل ماتصلح

انا جربت هالحركه بزوجي وربي تغير كثير صرت مرايه له اعكس تصرفاته لحد ماتعدل كثير
كنت اشتري مفارش للسرير بالهبل ودايم يهاوش جلست اكثر من ست شهور ماغيرت ولاشي بغرفتي واشتري ل اختي اصغر مني ويشوف وكل ماسالني قلت والله ماعندها راتب وعشان تنبسط مع زوجها اخر شي قال واحنا ايش حارمنا قلت انت تنتقد وقام يعتذر وغير رايه

جرب تعكس تصرفاتها ماتعطي هدايا لاتعطي انت تهدي لغيرك اهدي انت ولو تنقص من مصروفها شوي واذا سالت قول والله مرتبط بهدايا ل اخوياي فيه واحد بيعرس ولا واحد ترقى وباخذ له استراحه واعشيه خلها تحس ان هداياك لغيرها وبتعقل

بالتوفيق