المشاركة الأصلية كتبت بواسطة ندى_1406

انا الحمدلله فرزنت سبرينج رول نوعين
بالدجاج والسبانخ والجبن والنوع الثاني خضار بالجبن
وكمان فرزنت حشوة دجاج بالخضار تنفع للمعكرونه بأنواعها

وبأذن الله تعالى باقي لي افرزن سمبوسة باللحم المفروم وورق عنب
ماشاء الله عليك
والله شاطرة انا احب ورق عنب كثير لكني اجهزة مباشرة اول باول
يعني اعمله باليل وثاني يوم اطبخه ههههه
اما ان احطه بالفريز الصراحة ما جربته

بسالك يطلع نفس الطعم وكيف يعني تعمليه
تلفي وتحتفظي فيه بعلبه مثلا ولما تبي تطبخي تجي ترتبيه بالقدر
طيب الرز ما يخرب بالتجميد ما يروح طعمه

العام فرزنت زياده أفخاذ دجاج كاذبة وبطاطا بالجبن وكبة بس هالسنة قالي زوجي لا تكثري مانبغى مقليات حتى السمبوسه والسبرنج رول بحمرهم بالفرن بدل القلي
والكبة صراحه متعبه وسالفه
معك حق الكبة تاخذ وقت متعبة جدا لكن لذيذة وتستاهل
بطاطا بالجبنة كيف يعني تسلقي البطاطا وتحشيها جبنة موووووووووو
بكرة ان شاء الله ناوية اعمل كبة بطاطا ههههههههه
شو نوع الجبن الي تستعمليه

موضوع مره حلو الله يبارك فيك غاليتي مسألة التفريز يعطيك وقت اكبر بنهار رمضان انا كنت ادخل المطبخ قبل الأذان بساعه واخلص كل أموري
معك حق انا اجهز الاكل اول ما اصحى من حلويات ومرق او شي ثاني
واخر ساعه من النهار يكون بس اقلي واطبخ الرز واسخن الاكل

ونصيحه لي ولكم احتساب الأجر واحنا نفرزن