رد : هل انا مريضة نفسيا!
ليه تبلخون علي بطلتكم يا اهل الخير
بس اعذركم طولت عليكم وغثيتكم سامحوني
المهم يومي هذا كان صعب نفسيتي مرة سيئة مع قرب الدورة الله يكرمكم
لازم ابكي واتعب قبل لا تجيني
انا فاتحته بالموضوع وتكلمت معه باسلوبي انا وبدون لا اختار لا الزمان ولا المكان
قلت ابي اكلمك وابيك تسمعني وترفق بالحال
انا صارلي سنين متزوجتك والله مارزقني بعيال وكل تركيزي فيك وانت شايف اني عايشة لحالي وكل استمتاعي ابغاه معك
ويوم يصير بينا زعل اتكدر واتعب
ابغاك تسوي خطوة عشاني وابي لحياتي وقفة تغير
انا احبك وماودي افارقك بس انت عندك عيالك ولو طلقتني مافرق معك الموضوع
بس انا تزوجت واي انسان يتزوج عشان يجيب ذرية ويعييش حياة مستقرة
وانا مابي منك شيء غير انك تعالجني ونسوي خطوة الانابيب لعل الله يرزقني واحس انه في طفل بحياتي احضنه واعيش حياتي عشانه
انا بكرة لا راحت امي من الوجود جعل يومي قبل يومها مالي احد بعد الله وبكون وحيدة
نسوي الاسباب اذا الله كتب خير ونعمة واذا الله ماكتب برضه سوينا الي علينا وانا راضية بالي يكتبه لي ربي
قالي طيب واحنا كنا متفقين نسويها بعد رمضان
بس انا اقترحت عليه ان خلال الدورة المقبلة وانتم بكرامة ابدأ بالتلقيج الصناعي وبعدها اذا مانجح التلقيح نتحول للانابيب وطبعا ماهو على كيفي ربما تكون بس بويضة وحدة الدكتور يقول لازم اكثر من وحدة عشان يكون عنده الخيار في التلقيح
وافق الحمدلله واتمنى يكون عند وعده لي
اسال الله ان يقذف الرحمة بقلبه اتجاهي ويقدر ظروفي ويحس فيني
الحمدلله هدت نفستي شوي لمن تكلمت معه وصارحته بالي بداخلي
لايمكن تصير حياتنا كلها كذا هواش بغيرة وبنكد وسنة ترميك بالسنة الي بعدها وكلها من صحة الانسان
اتمنى كل من دخل صفحتي يدعي لي من قلبه وله بالمثل ودعوة احد منكم لربما تكون تتيسر اموري واتوفق بحياتي
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...