ياصديقي لا عليك .. فانت واحد من ملايين الطيبين المكلومين
وانا اجزم انك طيب الاخلاق ومخلص تحب بيتك والناس تحب اخلاقك وتعاملك ولكن ياعزيزي تنقصك بعض اخلاق الشوارع بالقدر الذي معه تستقيم حياتك..يعني شوية مراوغة على شوية كذب ابيض مع كم حركة تظليل مع انكار وضحك مع بعض .. هناك زوجات لا تحترمك الا اذا خرمت عينها بكم شغلة تجيك مضبوطة بعدين.. ادري ان هناك من عضوات هذا المنتدى من ستزعل من كلامي ولكنها الحقيقة للاسف.. فالطيب الخالص ما ينفع مع هذا النوع لانه نمرود..
انت طيب والطيب مطلوب وانا خوك ولكن حينما يكون الطيب في غير محله او في غير اهله فلن يكون الا وبالاً عليك
سأدلك على عدة نقاط:
- اولا ضع في نيتك الاصلاح ولا غيره... وهي حالة جهاد يلزمها استعداد
- اعلم ان الوضوح مع الزوجة من هذا النوع لايفيد..
-اعلم بارك الله فيك انه ينقصك الحزم ولكن الحزم بتركيز .. الحزم لا يمكن يكون له مفعول الا بالتركيز
- اعلم ايضاً بجانب الحزم بتركيز انت تحتاج هدوء وطولة بال ونفس عميق
-خذ لك ورقة واكتب كل ايجابياتها وسلبياتها.. وما تحتاجك هي فيه .. والعب على كرمك معها فتمشي معك مثل الاوادم.. الكرم المفتوح ماينفع الا مع كريمة الاصل اللي تقدره اما النوع النمرود مهما اكرمتها ماتقدر ابدد بس خلك حازم
-هناك امور تطفيشية ممكن تتبعها دون ان تقطع الدش عن البيت.. اربط لك قطعة قماش تحت ال ان ال بي حق الدش ( رأس الدش) مع تحرك الهواء في السطح يوقف الارسال ويبدأ يقطع وهكذا .. استخدام مثل هذه الاساليب يخليها تلجأ لك.. وانت خذها طنش.. يشتغل شوي ويوقف شويات
-اي شي تعودت عليه منك دقر فيه وعليه وامنع.. بس خلك هاديء وصبور .. خلها تعرف قيمة احترامك لها وتلبيتك لرغبتها .. اللي كنت تاخذه من اول خذ نصه.. ووريها انك متخلي عنها لاتوريها شوقك لها.. الزوجة اللي تحن عليك وتراعيك تبث شوقك لها لان له مكان بقلبها
-اكثر مايطعن المرأة حينما يقول لها زوجها لاتخليني احتاج غيرك.. اخاف اتعود .. واذا جبت اكل للبيت جيب لها مرك وطنش كم مرة .. واذا جبت خليها تاكل لحالها .. او خذ اغراض المطبخ وقل لها سوي لك اللي تبين
- خذ بمبدأ الاخذ والعطاء والمكافأة والعقاب.. لابد انك كما تعاقب ان تهدي وتكافئ.. انت قدر الامور ولا تحبطها وتنكد عليها الا بالقدر الذي تستقيم معه حياتك بس لاتظلم وتتعدى عليها.. الضرب مو من شيم الرجال يا اخي..
انا لا احرضك عليها ولكن هناك اساليب ممكن تكون حياتك معها افضل لمصلحتها هي.. فهناك زوجات ورب النعمه ماتعرف مصلحتها زين.. فيجب عدم تركها والتخلي عنها بل اصلحها لمصلحتك ومصلحتها
-اعلم ياصديقي ان الزوجة يلزمها اصلاح.. وعليك بالصبر واخذ الامور بصبر وطولة بال ركز بحزم وسترى امور تسرك ولكن ان لم تكن لديك القدرة على المراوغة والاخذ والرد فالزم نفسك واصبر لان اللعب مع هذا النوع يحتاج حرفيه
- اذا بدأت بالتعقل واحست بتغيرك ستبدأ هي في التفكير في وضعك فادخلها في ضبابية ومراوغة لا تعلم لها راس من اساس وخلها الين تستوي وتجيك تسألك
- حينها اوعدها بالطلوع لمكان هاديء ومحبوب وتكلمو بهدوء ... افرض عليها ماتريد .. بهدوء وعقل.. وحدد لها وقت ترد عليك فيه.. ان مشت معك بها ونعم والا الوجه من الوجه ابيض

__________________
ان انت اكرمت الكريم ملكته.. وان انت اكرمت اللئيم تمردَ!!