رد : ماحسيت بالسعاده الحقيقيه مع زوجي
قلب مقدما اعذريني ان كان في كلامي قسوة
حبيبتي زوجك اكيد شاعر بمشاعرك السلبية تجاهه عشان هالشكل هو يتصرف معك بهذة الطريقة
الا في وحدة تحط على نفسها شيا وتهجر فراش زوجها بدون سبب واضح له وتبينه
يكلمها بحب ورومانسية
انتي من قبل كم يوم قلتي بصبر وما اتطلق
والحين تدعين تبين ورقتك ما عندك راي ثابت
قراراتك تتغير مع تغير مشاعرك وافكارك
تطلقي تروحي فين
منو يبي يرحمك ان طلعتي من بيته مطلقة -اتركي الناس و كلامهم وشماتتهم فيك ما راح اقول عنها شي لان انتي اكيد عارفتها
لكن بتكلم عنك وعن اهلك -اسمحي لي
انا ما احب الوم احد ولا انتي ناقصة لوم
لكن انتي قبل لا تتزوجي كنتي بس تبين تخرجي من بيت امك وتستقلي مع عيالك بيت يضفك مع عيالك
بدون منه احد ولا تحكم احد
وكنت بس تدعي ان الله يفرجها عليك
وهذا فرجه وقسمته لك
زوج -يمكن اقدر اوصفه انه مو حكيم وله تصرفات مراهق
لكن هذا ما يعيبه
لان اول زواجكم قبل ما تظهري له كرهك بالعلن كان يمدحك عند اهله ويتغزل فيك وما يطيق يفارقك
لكن انتي كرهتيه فيك وفي تصرفاتك المتقلبه
كثير من الاخوات المتزوجات هنا --اخرجي من موضوعك وشوفي بلاوي المواضيع الثانية -
زوجك يعتبر المثالي بالنسبة لازواجهن
وهن صابرات ومتحمدات وشاكرات الله وساكتات
انا ما اقول لا تفضفضي
لا --اخرجي كل ما في قلبك هنا ولما تسكري الصفحة سكري على الموضوع في قلبك وقابلي زوجك بما يرضي الله
كثير من العلاقات الزوجيه ما فيها حب --اخرجي من دور المسلسلات التركيه انسيها
اساس العلاقة الزوجية الناجح هو الاحترام
وانتي للاسف ما احترمي زوجك ولا خليتيه يحترمك
والديل انه صار يتصيد عليك الاخطاء -مثل ما انتي تعملي وتتصيدي له الزله
وبدا يخرج عن صبره ويغضب وقريبا بيمد يده عليك وتكوني انتي الخسرانة
وخسرانه كثير للاسف
انتي حتى ضيعتي اجر الصبر الي انتي صابرته
بتصرفات المراهقيين الي تعمليها
ما في زوجة صابرة تهجر زوجها بدون سبب
ما في زوجة صابرة تضع شيا حتى تكره زوجها فيه
ما في زوجة صابرة تدعي ابي ورقي
حبيبتي الزواج مو ورقه ومهر
والطلاق ردي مهره وحصلي ورقتك
الزواج اكبر من هذا بكثير
والطلاق اعظم منه بكثير
انتي الحين بتدعين كثير وبتبكي كثير حتى تحصلي ورقتك وبكرة لما الله يعطيك ما سالتيه
وتحصلي ورقتك
بتندمي اكثر لما تشوفي الواقع الى انتي كنتي فيه قبل زواجك ونسيتيه ورجعتي له بحال اسوا
ربي ما يجعلك من النادمين لا دنيا ولا اخرة
والله من حرتي عليك وحرقة دمي
الا في وحدة تعمل عمايلك
اختي انتبهي لنفسك وانسي دور الضحية الي انتي حابه تعيشي فيه
زوجك يوم طلبتي منه الطلاق اول زواجكم و-طنش
هذة نقطة تحسب له مو عليه
لو كل واحد زوجته قالت له ما ابيك اول ما تزوجوا طلقها ---- ما بقى بيت عامر ولا يوم
وبعدين انتي شنو عليك عياله يحبونه او لا ولا اصحابه يحترمهم ولا لا
انتي عليك تحترميه وتفرضي عليه يحترمك بتصرفاتك
وعليك ان تكسبي احترامه لك وتخلينه يحبك
والاحترام اهم شي
الحين هو يسافر وايد --الله معاه خلاص
جيبي عيالك معك في البيت وخليه هو يسافر بالشهر والشهرين والثلاث
احسن لك البيت لك ولعيالك
وهذا الي كنتي تبينه بيت لعيالك وهو يصرف عليكم والحمدلله
ولما يجي استقبليه بما يرضي الله
ولا تقولي تزوج عشرة ولا راح وعمل
انتي ما تتكلمي من غيرة الزوجة على زوجها
اني بس تبين الكل يقول معك حق --تطلقي
وبعدين هو من البدايه قال لك انه يعرف كثير بنات
ولفتت نظرك لهذة النقطة من قبل لكن انتي -كعادتك طنشتي ولا حتى قراتيها
انتي تشوفي الي تبينه فقط والحين انتي تبين الطلاق وتشوفي كل طريقة ممكن حتى توصلك لهدفك ويوم يحصل
بتندمي وتقولي فرصة وضيعتها
ربي ما يجعلك من النادمين
اقول فضفضي هنا مو مشكلة
لكن لا تاخذي قرار انتي مو مفكرة فيه
احسبيها عدل وحتشوفي ان بقائك معه نعمة وهو القرار الصحيح
اكتبي هنا بقلبك لكن تصرفي معه بعقلك
فضفضي حبيبتي فضفضي
لكن لا تغيري قراراتك مع تغير الصفحات
كل صفحة فيها قرار لك مختلف عن الي قبله
ترا نحن نسمع لك ونحبك ونحترق عشانك
لكن بالاخير انتي الي بتعشي تبعات قراراتك
__________________
سبحان الله و بحمده
عدد خلقه و رضى نفسه
و زنه عرشه و مداد كلماته
~♥¤♥¤♥¤♥~