يا حبيبتي زوجك قالكِ زنى (أرتكب كبيرة من الكبائر) مو بس مرة وحدة ، بل 8 مرات ويقولك انو سواها قبل كدا في اوروبا يعني الله يعلم كم مرة زنى حتى الآن !

لا تقولي أنا مالي ذنب علشان كدا مستحييييييل يجني مرض بسسببه !!
أعرف قصة واحد رجال زنى مرة وحدة بسسس قبل ما يتزوج في وحدة من سفراته ، المهم هو تاب وبعد فترة اكتشف انو اتنقل له مرض تناسلي ماله علاج وما ينفع يتزوج لانه احتمال يتنقل للبنت الي راح يتزوجها ، لكنه مارضى واصر وراح اتزوج ، والمؤلم أنه إلي اتزوجها ما تعرف انه معاه هذا المرض ، المهم بعد فترة اتنقل المرض لها واستئصالولها الرحم كله ..

شاااايفة دحين ركزي على النقاط هاذي مضبوووط : زوجته ما تدري انو زوجها زنى قبل ما يتزوجها .
زوجته ما تدري انه معاه مررررض .
زوجها قبل ما يتزوجها زنى فقط مرة وحدة وتاب بعدها.
هي انسانة شريفة ما عمرها والله اعلم كان لها علاقات محرمة .
هي حافظة القران كله .

فوق هذا ايش صاااار – اتنقلها مرض جنسي ماليه علاج وكمان رحمها استئصل ، يعني خلاص ما تقدر تخلف اولاد ، وإذا طلقها زوجها ما راح تقدر تتزوج واحد غيره بسبب مرضها ..

فكفايه إستهانة بافعال زوجك ..

اصحى على نفسكِ وبطلي السلبية والدفاع عن اخطاء زوجك والطبطة عليه .. وفكري بصحتك !! ترا صحة الواحد إذا راحت مو بالساهل ترجع هذا لو من اساسه رجعت ..

يا شيييييخة هذا إلى سواها اسمه - زنى – والمصيبة انه زنى وهو متزوج يعني لو اتمسك في جريمته كان (اترجم حتى الموووت) ..فا حسي بعاقبة وفداحة غلطته .

انت الله يهديك تحسسيني انه عمل شئ صغير وبسيط ..

استغفر الله العلي العظيم ..