رد : أنا من ضيعت نفسي ... احتاج لصفعة تعيد لي عقلي....
مساكين احنا يالبنات .. عاطفتنا زايدة بالحيل
لكن الحمدلله ربي علمنا ووجهنا كيف نفرغها في الموضع الصحيح
لا تتعذرين بأبوك انه حجرك على احد اقربائك
هذا تبرير ابليس اللعين لك عشان تتمادين في طريقك
يا قلبي كل شي في البدايه صعب ويحتاج ارادة قوية خاصة اذا كان الموضوع
يتعلق بالمشاعر ..
اقترح عليك في البدايه انك تقفلين شريحتك و وتجيين رقم جديد
غيري الباسوود تبع السكايبي والمسن , اكتبيه طويييل عشان يستحيل على
ذاكرتك ترجع تتذكره ..
كل ما تذكرتيه و شعرتي بالشوق قومي تتوضي وصلي ركعتين
اطلبي ربنا انو يساعدك قاومي قد ما تقدرين جاهدي نفسك
لان الشيطان في البدايه يرمي عليك كل تدابيره عشان ترجعين له وبقوة
بس انتي لازم تصدينه .. هذولي اهلك عارفة يعني ايش اهلك
ايش ذنب ابوك يفتح عينه على مصيبة زي كذا ..؟
هذا وانتي حافظة كتاب الله في نظره ...!!
يا الله قلبي تقطع على ابوك المسكين , اللي ما ساعته الارض من الفرحة يوم
سمع بخبر ولادتك .. رباك وصرف عليك عشان لما تكبرين تبيضين وجهه
مسكين مخدوع الآن يظن انك باقي لك كم جزء وتختمين القرآن
وانتي في عالم ثاني من الضياع , انتي في درب ضاع فيه كثير من الضعيفات
اللي ما عندهم اراده يتخلصون من هوى النفس و اتباع الشيطان
تدرين انا ما راح اتعب نفسي معاك عارفة ليش .. لاني صاحبت كثير بنات زي كذا
مهما تكلمت معهم و نصحتهم ما يفيد ولا يقدرون يسيبون العلاقة الا بطريقة وحدة بس
تدرين وشهي .. مافي احد يقدر يخليك تتركينه الا هو
اذا سحب عليك و قفل جواله و باعك ... وراح دور له صيدة ثانيه
عاد الله اعلم الصيدة الثانية سهلة زيك ولا وحدة لها باع في هالشي يلاقيها متمرسة
والله للحين اتذكر البنت اللي كانت معنا بالثانوي بنت عادية جدا
ساذجة وطيبة ولا عندها مكر بريئة للغاية تعرفت على واحد عن طريق صحباتها
ايام الاختبارات اول يوم شفناها جينا ثاني يوم سمعنا خبر وفاتها
ابوها درى عنها و قتلها و رفض ياخذ عزاها ... الله يرحمها ويغفر لها
ما يحتاج اقولك انه لعاب لانك انتي عارفة هالشي ومتأكدة منه بدليل سحباته الاخيرة
لما حطيتيه قدام الأمر الواقع ..
ومثل ما قالت لك اختي حبر راقي , خليك معنا بالمنتدى
اشغلي نفسك بكل شي ممكن يخلصك منه , فيه موضوع كتبته قبل فترة نتكلم فيه مع البنات
عن امالنا وطموحاتنا , لو تشاركينا فيه و تفضفضين هناك
صدقيني كلنا بنكون عون لك باذن الله بس انتي ابدأي بنفسك
البدايه الأولى منك انتي و تذكري اذا ما ساعدتي نفسك ماراح احد يقدر عليك
الله يفرج همك يا قلبي
__________________
الوعي هو الملاذ ..
أستغفر الله العظيم ؛
( الفردوس غايتي )