منتدى عالم الأسرة والمجتمع - عرض مشاركة واحدة

14-05-2013, 07:09 PM

#70

أبو خليفه....

عضو مميز

تاريخ التسجيل: Sep 2011

المشاركات: 1,439

رد : مللت من تصرفاتها

اقتباس:

لا ادري لمَ الإصرار على تحوير مسار الموضوع؟؟؟

الله يجزاج خير بصراحه حتى أنا مستغرب ما يبت طاري زوجتي الثانيه ولا طريت أنه بيني وبينها مشكله حق شنو يتحول الهجوم عليها (( على العموم الله يعين ))

أرد لموضوعي رئيسي ...

أنا طرحت عليها فكرة أنها تكمل دراستها ولكن بشرط انتساب ,, المهم عقب نقاش مستفز وصياح ,, وافقت
اليوم على الساعه 7 الصبح متصله ,, والله تحسبت أنه بلاها شيء أو بنتي مستويبها شيء ,,
يا جماعه تخيلوا متصله من غير مقدمات أو حتى صباح الخير (( هذه ما عندي مشكله فيها متعود عليها ))
تسالني سجلتني بالجامعه ؟؟؟؟؟؟؟؟؟؟؟؟؟
سالتها أنتي واعيه متاكده متصله هالحزه عشان جي وما مداني ,, يعني أنت مب مسجلني
قلت والله بسجلج لكن تدرين لحين اخر السنه ,, وإذا الله أراد السنه اليايه بتبدين ...
هذه الجمله فقط من صوبي ..........
ما اسمع وحده غير أنت جذاب وتقص عليا كل مره جي وطخ بنتدت سماعه بويهي
حزتها أنا لبست وطرت صوب بيت أهلي ...
قلت لها من جذاب ؟؟؟
وتحول الموضوع لمعركه طبعا هي بدات تجادلني بالبدايه وعقب صخت من غير ما تنطق

يعني لا المعروف يثمر فيها ما كلفت على روحها تشكرني بالعكس

سرت العصر أجوف بنتي وأهلي وهي ما طاعت تنزل أدريبها شياطين تناقز براسها ومب عارفه شنو تسوي

__________________
الحمد لله على كل حال