المشاركة الأصلية كتبت بواسطة داماس

حبيبتي قلب اخوك اكيد ما بيقصر معاكي بس هو يريدك تصيري مسؤولة وتحسي بقيمة المال أكثر .. إنتي الله يهديك ما تفكرين بعقلك يا اختي قبل ما تقدمي على أي خطوة فكري زين واسالي نفسك هل هي ضرورية وشوفي الإيجابيات والسلبيات وبعدين قرري .. أكتب لك هالكلام لأني حسيتك ما تعلمتى الدرس لسه .. دامك تتكلمين عن حفلات وهدايا وتدلعين العيال معناته ما استفدتي شيء ..

تبين تدلعين عيالك صدق علميهم انه يمدون رجولهم على قد لحافهم .. علميهم يقتصدوا وفهميهم أن هذه الظروف مؤقته وبعد ما تشتغلي بتتحسن إن شاءالله .. لكن اضغطي على عمرك شوي وأول كم شهر خذي مبلغ بسيط للضروريات والباقي حوشيه لين يتجمع عندك مبلغ محترم وبعدها خلي اخوك يساعدك تعملي تجارة على قدك .. واقترح عليك راتبك تخلينه عند إخوك أو أمك لأنك إنتي يمكن عشان نفسيتك تعبانه مو قاعده تفكرين عدل .. في ناس لما تتضايق تروح تتشرى عشان ترتاح .. الظاهر إنتي من هذا النوع ..

الأم والأهل مهما قدمنا لهم من هدايا ما راح نقدر نوفيهم حقهم وإنتي ظروفك ما تسمح لك تهدين حد وهم اكيد عاذرينك ..

إذا استمريتي بهالطريقة ما حيكفيك الراتب ولو كان 10000 ... فكري في كلامي واعملي به .. ولا تنسي تتصدقي بمبلغ بسيط كل شهر ... ضيقي على نفسك شوي وكلها شهور وحتكوني جمعتي مبلغ يساعدك تدخلي مشروع ويصير عندك مصدر دخل وتحسي بأمان إن شاءالله وتقدري توفري لعيالك اللي يحتاجونه ..