رد : المسخن الفلسطيني ومكرونتي
هذا اللي خايفه منه
هههه
جيبي 2 افخاذ دجاج في واناء الطهي وحطي عليهم اشوي زيت وملعقتين طماطم معلب (معجون )
وتحطيهم عالنار وتبدي في التحريك نين اتشوفي لون الطماطم المعجون بدأ يتغير ويصير اغمق
معناها بدأ ينضج
هالخطوة مهمه جدا اذا ماراعيتيها المكرونة تطلع حامضة
ومش حلوة
فلازم تتأكدي من نضوج الطماطم
تعرفيه حتى من الرائحة
بس انتبهي ما ينحرق
يعني حركي باستمرار
وبعدها ضيفي الماء
وملح وبهار واشوي زنجبيل (حسب الرغبة)
وحطي جزر وبازلاء
وممكن حبة بطاطا
لتعطي الوان
ومفيدة خاصة للاطفال
وغطي عليهم
وخليهم نين ينضج اللحم
بعدها جيبي كوب وربع او ونصف مكرونه اي نوع
اللي تحبيه وحطي
بس هنا لازم تلاحظي ان
المرق ما يكون مائع
يعني لما تستخدمي وعاء الضغط الماء يتبخر بصعوبه فلازم ما تكثري
لكن اذا استعملتي وعاء الطهو العادي معناها كثري ماء لانه يتبخر
وحتى لو شفتي الدجاج نضج
صفيه وحطي المكرونه وخليها تبقبق(يعني فقاقيع 
)
ولما تحسي الماء بدأ ينخفض
غطي عليها وهدي النار
نين تنضج ممكن تاخذ ربع ساعة بعد اضافة المكرونه
نسيت الفلفل الاسود رشه بس
وبالهنا
__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام
التعديل الأخير تم بواسطة اوناا ; 17-04-2013 الساعة 03:56 AM