رد : كيف تهدي هدية لشاب ( من تجربة )
وعليكم السلام ورحمة الله ...
ايوه الاحظ الاخوات والزوجات والامهات .. الكل يحتار ايش يهدي الشاب ..
لان الاشياء الي يحبها الشاب احيانا جهاز جديد جوال او غيره من التقنيه ..
السيارات .. ملابس معينه مايعرفها الا الشاب نفسه ..
فيكون صعب على النساء الاختيار ..
لكن طريقتك مره ناجحه ..
وفيه طريقه ما اعرف هي الي بتقصديها او لا .. وهي انك تاخذي معاك ولدك او اخوك ...
وتقولي له ايش هي الهديه المناسبه للاولاد .. بتلاقيه يقولك على طول كذآ وكذآ واشتريله كذا ترا مره حلو ..
وتعرفي ممكن هوا ايش يحب وايش الشيء الي عاجبه ..
وبعدين تشتريه انتي وتهديه اياه ..
يعني نفس كلامك يمكن .. وعلى قولتك يبغالها تمثيل ..
ويبغالها فعلا تصيدي هوا ايش يحب وايش الشيء الي هو متحمس له مره ..
__________
وممكن تسوي زي اختي .. والله تجي تسالني تقولي ايش تبغى وايش نفسك .. لاني باشتري لك هديه وماني عارفه ..
عشان هي كمان ماتشتري شيء انا مستغني عنه او ما ابغاه وكذآ ..
اتذكر مره كان نازل عطر وقلت لها تشتريه لي ..
اسمه one million
__
اعمل/ي اي طريقه .. لكن المهم تشتري هديه يكون الشخص راغبهآ بجد ..