المشاركة الأصلية كتبت بواسطة "ام سفيان"

اختى قلب مطمئن ان شاء الله

سوا توظفتى او ما توظفتى لازم ترتبي اولوياتك و تحطى لك ميزانية
منها توفري احتياجاتك و توفري مبلغ للازمات ربي يحفظكم من الشر ..

مشكلتك مو بحاجتك مشكلتك افكارك لازم تتغير و تتجاوزي الازمة اللى مريتي فيها
و تحاولى تشوفي الحياة بواقعية ..
ربنا رحيم يا قلب ، استشعري رحمته و معيته و حكمته بترتاحي كثير
كل الناس عندهم ظروف و ازمات و اشد منك
و لكن الحياة مو على هوانا او بكيفنا لازم من الصبر و الاستعانة بالله
و تقبل الواقع بكل مافيه مع محاولة تغير ما يمكنا تغييره

اناى تركزي كثير على كلمة " امتع نفسي و عيالي "
ياختى متعي نفسك لكن حسب طاقتك و بشي ما يضرك و يحطك بازمة اكبر
و بعد الحياة مو كلها متعه .
اولادك ربيهم على انهم يعرفوا يعيشوا على حسب ظروفهم
مو كل اللى يبغونه ياخذونه ..

و على فكرة
فيه زوجات كثييير على ذمة ازواجهم و ازواجهم مليونريه
و عايشين الزوجات و اولادهم على قد حالهم بدون متع او غيره

انتى جالسه بتعوضي اولادك بالمادة
لكن المادة ما تعوض كل شي ان كانت نفوسهم مكسورة و ضعيفة
ركزي على تربيتهم بشكل متوازن ..
و انشغلي فيهم و تلقائيا راح تخف نفسيتك كثير

ربي يعينك و يسر لك