المشاركة الأصلية كتبت بواسطة داماس

حبيبتي فاكهة إنتي فهمتيني غلط .. أو يمكن أنا ما عرفت أوصل كلامي صح ..

أنا مو قصدي ألومك .. وكلامي اللي قلته أقصد فيه المستقبل ..

إنتي سألتي تخلينها وإلا ترجعينها ..

وأنا كان قصدي رجعيها .. لهذه الأسباب ..

وما أخفيك أكثر شيء خفت منه إنها تأثر على عقل بنتك بما إنها كانت تتعامل مع مرضى نفسيين .. بس ما حبيت أخوفك ..

ما أدري كم باقي على دراستك .. بس بنتك إن شاءالله كلها سنه وتدخل المدرسه صح؟؟

بنتي ان شاء الله بعد الصيف هذا القادم تدخل روضة أولى



إذا ما فيه إمكانيه تسجليها في الحضانه .. أرسليها هي والخدامه لبيت اهلك .. أو أهل زوجك؟

الحضانة عزيزتي اسعارها غالية
صدقيني موظفات يستصعبون أسعارها فكيف بي أنا غير موظفة ؟؟
زوجي ما راح يقصر بس هذا حل غير عملي
جايني طفل جديد ..
رسوم التسجيل لطفلين 1000 درهم , والدرهم يساوي الريال السعودي
والدفع الشهري 1500 لكل طفل
يعني المجموع 3000 ريال شهريا !

وما إدري شو نظام جامعتك وإذا جدولك ثابت والدوام كامل وإلا جزئي ..

انا اغيب يوميا عن البيت ما بين ساعتين الى 3 ساعات ليس أكثر
اول ما اخلص احرق جوال زوجي واستعجله الين تعلم الحمدلله يجيني اول ما اخلص المحاضرة ..
اوصل اجهز الغدا واصلي واتفرغ لبيتي


وجامعتي بقي لي فصل صيفي + فصل أول وأتخرج بعون الله تعالى

وأخر الحلول انك تنصبي كاميرات في البيت .. بس ما أدري كم تكلف ؟

مو مكلفة قالت لي أختي
وشاورت زوجي وماقتنع كثير بالفكرة
ولكن ممكن اقنعه
ولكن ماهي فايدتها لو عملت الضرر بولدي وهربت ؟

انا افكر الان بالطفل الجديد
اللي ما يتكلم ولا ينطق
تصدقين بالله قمت افكر اتركه عند أختي المتزوجة
يعني ينام ويصحى عندها وانا اخذه اخر الاسبوع

حل مؤلم جدا لي ولكني مجبرة

احاول اخلص الجامعة باسرع وقت
بعد طلاقي لايمكن اجازف واعتمد على رجل ثم يغدر بي من جديد


واعذريني ولا تزعلي مني .. والله ما قصدت ألومك ..

وانتي عزيزه وغاليه وما رديت إلا وأنا معتبرتك إختي وما أريد لك إلا الخير ..

الله يحفظ لك زوجك وبنوتك وتقومي بالسلامه إنتي والبيبي الجديد..

المشاركة الأصلية كتبت بواسطة روح الطير

فاكهة ..

و ليه تتركي زوجك لوحده ؟ جيبي عاملة منزلية بالساعة ..
تنظف البيت ، و إنت اجلسي معاه ..

المشاركة الأصلية كتبت بواسطة وابل الندى

فيه مجال ان امك تجي الصباح وتاخذ بنتك وفالرجعه يرجعها زوجك ؟

لأن كذا بيكون مشوار بنتك سهل نسبيا على امك وزوجك
وبنفس الوقت تكونين عند زوجك

المشاركة الأصلية كتبت بواسطة توفي

وش جنسيتها ..

انا ابي اقدم ومحتاره وناويه هالمره فلبينيه ان شاء الله
الله ييسر امرنا جميعا

أندونيسية


خاله جرين
الحياه عندنا صعبه بدون خدامه .. جربت سنتين تقريبا بدون خدامه .. تجربه سيئه ولله الحمد على كل حال
ضيعت نفسي وعيالي وزوجي ..

ليش اضغط على نفسي
وبعدين مجتمعنا الحين غير .. اجواءنا متعبه ..

قريباتي الييعيشون برا .. مايحتاجون خدامات الا نادر .. ولما يجون هنا يطلبون ثنتين ..

وبعدين احنا اجتماعاتنا فيها قسمين نساءورجال ..
واطفالي لو يروحون قسم الرجال .. ماحد يدري وش يسوون .. كل طفل وراه خدامه عينها عليه

ما أنصحك تعودين أطفالك على هذا النظام
تمارسه زوجة أخي وعدد من القريبات وشخصيات أطفالهن صفر
وأول من انتقدها أخي
ويرى الفارق الكبير بين شخصيات أطفالنا وأطفاله

خليهم على أبوهم أفضل
ولا تجردينه من مسؤوليته كأب تجاه أبناءه

وأمر آخر
الحرص على الطفل يكون في حدود المعقول
بمعنى لو مافي خوف من السيارات أو المخاطر الكبيرة كالكهرباء أو النار أو أو ... الخ
فامنحي طفلك حرية وستتشكل شخصيته بشكل أفضل من مراقبة الخادمة له , المراقبة الدائمة تجعل منه متمرد ويبحث عن الممنوع , لان الخادمات يقفن عائق دائما في سبيل لعبهم ..



عن نفسي
كان من أسباب خلافي مع هذه الخدامة محاولتها لملاحقة ابنتي في كل مكان
وأن تمارس نفس أسلوب خادمات بيت اخي

واجلس انا على اعصابي ولا اكسر جوال زوجي مكالمات عشان ينتبه للطفل