قبل ما أكتب لك الجدول بقول لك أن لما تطلبي منها تكتب الجدول بيدها أن يكون جدولك أمامكم وتقرئي منه وتقولي لها شنو تكتب حتى لو ما فهمتي شنو كتبت .. وبعدها تعلقي جدول بمكان مكشوف مثل الثلاجة حتى تعرف أنك جادة ومتابعه .

الجدول اليومي يبدأ بالصالون ( الديوانية ) الصالة .. أقصد مكان الضيوف

خلال وقت تنظيفها الصالات أكون أنا اجهز أولادي للمدرسه فلما اخلص تجي هي للمطبخ تنظفه ( أسطح الرخام والغاز والأرض ) وتجهز الصحون للجلايه .. أنا ادخلهم وأخرجهم لأنه اللي كانوا قبل كانوا يخربوها وما يعرفوا يستعملوها .

ولأن زوجي متقاعد فما أحتاج السيارة تكون نظيفة بكير .فتطلع للسيارة ومدخل البيت بعد المطبخ

ترجع وترتب غرف النوم وتنظف الحمامات .

هي تاخذ استراحه وانا اجهز الغدا ...
بعد الغدا تقوم بشيء من الأشياء الأسبوعيه

اذا كان عندي غسيل أنا اغسل وهي تنزل تنشره أو تطوي أو تكوي ما عدا قمصان زوجي انا اكويها .. كل يوم حاجة من امور الملابس

ترتيب المطبخ بعد الغدا والعشا أنا اقوم فيه لأن يكونوا الأولاد وزوجي موجودين ومطبخنا مفتوح على المعيشه ( غرفة واحده) وما أحبها تكون متواجده بوقت جمعتنا .

يعني 1- صاله 2- مطبخ 3- سياره 4- غرف وحمامات 5- ملابس 6- شغل اسبوعي


الوظيفة الأسبوعية
1- تنظيف شامل للحمامات ( حيطان وفرك للزوايا)
2- تنظيف أبواب البيت والحيطان ( اذا في شيء يحتاج تنظيف مثل طبع ايدين الأولاد ) وتحت ادوات الكهربا بالمطبخ مثل تحت وخلف الثلاجه والغاز ... )
3- قسم من الشبابيك
4- القسم الثاني من الشبابيك ( عندي بالبيت 24 شباك بمتوسط طول الشباك مترين)
5- التسوية
6 -سطح البيت
7- ممرات حديقة البيت

طبعا ممكن مرات ما يكون في وقت أو يكون في عزومه أو مشوار طبيب فتتأجل الوظيفة الأسبوعيه للأسبوع اللي بعده .. يعني ما يهم لو نظفت الشباك كل اسبوعين مرة بدل كل اسبوع
ما ادقق كثير على الوظائف الأسبوعيه حتى لو صارت بالشهر مرة

__________________