رد : الخادمة و مشاكلها أريد حلا
ايه يا ام دانـه .. لكن نصيحتي للجميع .. لا تكن لين فتعصر ولا قاسيا فتكسر ..
والقوهـ مع الخدم مطلوبــه وهذا شيء مفروغ منــه ..
والعدل يكون بأني لا اظلمهآ ولا اظلم نفســي ..
صارت لي قصــه مع السواقين ..
كل ما استقدم سواق يعمل عند اهلي .. يجلس السائق فترهـ وبعدين يقول ..
بأن زوجتــه صعدت اعلى شجرهـ وانكسرت رجلهآ ..
وطبعآ سافر واستقدمت سواق اخر وبعد مدهـ قالي ان زوجتـه صعدت شجرهـ وانكسرت رجولهآ ..
وفي يوم من الايام شافني احد زملائي وقالي ايش فيك تفكر ومهموم ..
قلت له السواق يبغى يسافر !! لان زوجتــه صعدت فوق شجره وانكسرت رجولهآ
قالي سبحان الله !! انا كمان السواق تبعي بيسافر لان زوجتــه صعدت فوق شجره وقعت وانكسرت رجولهآ !!
طبعآ كان ودي وقتهآ اقطع تذكره للهند بس اروح اشوف هالشجرهـ ...
والظاهر ماعندهم الا هالتصريفه او هالعذر للسفــــــر ..
وطبعآ قلت له لو تبغى تسافر انت تدفع حساب التذكرهـ ..
لاني راح اظلم نفســي لو قطعت له تذكره على حسابي ..
يعني مو كافي خسارتي في التأشيره والقدوم كمآن اقطع له تذكرهـ !!
بيني وبينه عقد اما هو يتحمل نتيجــة العقد وتخليه عن العمل .. او ان المكتب يرد لي شيء من حقوقي ..
واي عقد في العالم لو اخل فيه احد الطرفين يتحمل المسؤوليه الناتجه ..
وهذآ هو القانون الي قالت عنه اختي ام دانــــــــه ..
فالانسان لا يظلم نفسه ولا يظلم غيرهـ ولا يكون طيب بزياده ولا شديد بزيادهـ
لكن الحزم مطلوب ..
والي يقول ليه سرقت سكين .. يعني ماخطر في باله ابدآ انهآ ممكن ترتكب جريمه في هالسكين !!
ماسمعنآ عن قصة البنت المسكينه الي خسرت حياتهآ بسبب الشغاله !!
لازم الانسان يحسب لهالامـــور .. ويحط حساب للامور السيئه ليس تشاؤم لكن حرص وحذر ..
والله يحفظك اخوي صاحب الموضوع ما اقصد انهآ ممكن تسووي فيكم جريمــه
لكـن احب ابين ان بعض الاشخاص تفكيرهم فقط بالطيبه والاحسان والدفاع ..
الحذر الحذر من العماله ..