رد : الزوجه العنيده
السلام عليكم ..... حيا الله اخوي فارس ..... ان شاء الله انك بخير وامورك في تحسن .....
اخي ماابغا اعلمك وش تسوي او ايش تفعل لاكن ابغا اقولك مهما حاولت ماراح تاخذ عاطفه من البنت بقوه .... يعني البنت مهما كان ماتقدر تقول لك احبك وهي ماتحبك .... وان حبتك عيشتك ملك .
وانت باين انك تحب البنت ولا تقدر تتزوج عليها مثل ماقلت واتحداك تسويها وحتى لو سويتها راح تظلم زوجتك الثانيه مثل ماهذي قاعده تظلمك وراح يكون زواج تعيس وكل وقتك بتفكر بالاولى اذن خطوه غير سليمه ولاتفكر بالزواج اذا ماتعدلت زوجتك تراك راح تندم وانا صراحه ماودي بهالشي لك.
الحل الاول : خليها على ماهي عليه لاتغضب ولاتحكم ولاتعاتب ولاتعدل اي حاجه تسويها هي ... استقبلها بصدر رحب وشيل الغيض من صدرك انت منشبك معاها ولو فكرت تتركها اقل شي يبي لك سنه على الاقل عشان تتزوج ( زواج سليم وبتفكير واختيار للشخص المناسب ) واقولك سر راح تتعب كثير عشان تقدر تمسح الاحاسيس اللي لها في قلبك وترجع تبني احاسيس ثانيه لزوجتك الثانيه
فاانت خلي الامور لحد يوم الزواج وادخل على البنت وشوف كيف راح تتغير معاك وقتها يمكن ماتحس هي بهالشي بس البنت تعطيك بهذاك اليوم شي هي حفظته من سنين وانت تاخذه منها بهالليله صدقني راح تتغير ..... ماتتغيرت ؟ زواج مثالي راح يكون خلص شغلك وامشي وعيش حياتك مو شرط انها تحبك وصدقني راح تحبك غصب .
الحل الثاني :
خذ ابوك ورح لابوها او اعزموا في البيت وفهم ابوك بكل شي حاصل دخل اهلك في الموضوع واذا عندكم شيخ في القريه ولا عمده جيبه كمان وخل النقاش بين كبار السن وفهمهم قبل انك مظلوم سويلهم دراما قبل تقابلون ابوها عشان يكونون بصفك وان شاء الله راح يستحي ابوها ويعدل سلوك بنته ووقتها اظبط نفسك انت وامسك اعصابك وانسى اللي صار ولاتعتب غلى مافات ولاتعاير باللي حصل وابدأ من جديد ولو صار غلط منها تحمل تحمل تحمل .
الحل الثالث :
شفت لما توقف ورا الحصان ويتضايق كذا ويعطيك رفسه تشقلبك ....
انت سوي الحركه هاذي وارفسها وانتظر لك اقل شي 4 الى 5 شهور .... وبعدها ابدا دور على زوجه ثانيه ...طبعا بعد ماتحس نفسك تخطيت مرحله الضيقه والقهر على اللي صار ....واحنا موجودين هنا تقدر تفرع اللي بصدرك دايم هنا والمنتدى ساعدني كثير وقت ازمتي وماقصروا الاعضاء كانوا لي اكثر من الاخوه .... صعب الرجل يبوح باللي بصدره لاحد معارفه لاكن سهل النقاش بالمنتدى ....
واحسن الاختيار .... الصغيره ممكن تكون اجمل وممكن تتخيل ان الجنس معاها راح يكون افضل لاكنها ماراح تفهمك ولاراح تكون ذكيه عاطفيا معك ولاراح توصل لمستوى تفكيرك او تحس بشعورك ...
خذ لك وحده عمرها 22 اذا انت 25 وراح تدعي لي راح تحس بالفرق وقتها وراح تشوف الفكر كيف يختلف وراح تشوف الاحترام للزوج وراح تشوف الذكى العاطفي وهي راح تعرف بذكاءها هذا متى تقول لك احبك ومتى تراضيك ومتى تتركك لوقت مع نفسك ....( طبعا مااحد كامل بس إن احسنت الاختيار )
مو شرط الجمال انت اذا اقنعتها واقنعت نفسك انها جميله بعينك راح تطلع اجمل الجميلات وراح تشيلك على راسها بس عاد مو تاخذ شيفه وتقول لوف قال....خذ لك وحد عاديه او جميله نسبيا او جميله اذا تأكدت من طباعها
اتمنى مااطلت عليك وانت تحبها ومااتوقع انك بتسوي اي شي من اللي قلت لك بس انت لازم تظبط نفسك حس برجولتك وجاهد نفسك اذكر الله كل ماغضبت واقرأ قصص الرجال واقرأ قصص الصحابه والتابعين وشف الرجوله كيف وبعد ماتتشبع من هالقصص راح تاخذ من كل شخصيه شي وتزيد تماسكك في اللحضات الحاسمه .
وفقني الله واياك وجميع الاعضاء لما يحب ويرضى .... ولاتذكر قصة حياتك هنا فيه ناس مو محصله اللي عندك وانت تتكلم عن اشياء ومن كلامك يبين للناس اشياء انت تملكها وهم مو محصلينها وهنا يشتغل الحسد وانت مو ناقص ..... الله يحفظنا واياك من كل عين وحاسد
وتبارك الله احسن الخالقين
التعديل الأخير تم بواسطة مارد الجنوب ; 11-02-2013 الساعة 08:25 AM