منتدى عالم الأسرة والمجتمع - عرض مشاركة واحدة - سانفجر بكثرة التفكير تعبت والله

01-02-2013, 03:46 PM

#16

قلوب خاشعة

عضو دائم

تاريخ التسجيل: Dec 2012

المشاركات: 88

رد : سانفجر بكثرة التفكير تعبت والله

اقتباس:

المشاركة الأصلية كتبت بواسطة أم يوسف2

السلام عليكم اختي

غاليتي ليش تنفجري من التفكير مافي شي يستاهل ..
الموضوع بسيط ..

هو طلب منك امر .. وانتي لك مطلق الحرية بالقبول او الرفض ..

نعم سيكون زوجك على سنة الله و رسوله ..
واكيد توقعي منه تقرب .. حضن .. قبلة ... الخ

لكن في بيتكم ... مش بفندق

مهما طمنك و اخبرك و حلف لك انه ماراح يصير شي .. انتي ماتضمني.. هذيك الساعة
بس تكونو وحدكم و يبدا بالمداعبات .. ماراح يقدر يمسك نفسه .
ياختي اذا كان بعض الناس هداهم الله يغلط مع حبيبة او صديقة بدون عقد رسمي
كيف بزوجته حلاله قدام عيونه و بغرفه لحالهم و ماتبيه يتعمق اكثر ؟؟؟؟؟؟

ثانيا .. هل تضمني انه ماحد بيشوفكم و انتو داخلين او طالعين من فندق
متاكدة انه الخبر ماممكن يوصل لاهلك او مثلا اهله ؟؟ ايش بيكون موقفك قدامهم ؟؟؟

افترض في اسوء الاحوال .. حصل لك شي وانتي معه في الفندق
** اغماء مثلا و اضطر يتصل باهلك
**او هو حصل معه شي و اضطريتي تتصلي باهلك او اهله
** او ماقدر يمسك نفسه و دخل عليك و حصل لك نزيف لاقدر الله و اضطر يوديك المستشفا ََ

هذه الحالات الي ذكرتها .. في احتمال ولو واحد بالمية انها تحصل .. ايش بيكون موقفك قدام اهلك و اهله ؟؟؟

غاليتي اغلب الرجال في فترة الخطوبة و العقد .. مدفوعين بغريزتهم و شهوتهم . لذا في الغالب
يكون اي قرار صدر منه مش مدروس ...
بس بكرة تتجتمعوا تحت سقف واحد وتتم العلاقة و يشبع منك جسديا ساعتها بيعيد حساباته
وممكن الشيطان يوسوس له باشياء و شكوك ... انتي في غنى عنها ..
هو عارف في قرارة نفسه انه موضوع الفندق غلط .. علشان كدا بيوديك بشكل سري بدون ماحد يدري
لو كان شخصيا مقتنع انه عادي و انك زوجته و حلاله ومافيها شي
فليخبر الجميع .. ليش الخوف ..

لذا ارفضي حكاية افندق بتاااتا ....
وممكن حتى تقلبي الطاولة عليه

بمعنى .. اذا فتح الموضوع هذا .. قولي له بلهجة حازمة
انا فكرتك تمزح ...
هذا هو مقداري عندك .. فنادق بالخفاء ؟؟ ليش شفتني بنت شوارع ؟؟
ترضاها على اختك انه عقيدها ياخذها فندق ؟؟

زوجتك باكون بكرة ببيبتك قدام الناس وخلق الله و ساعتها سوي مابدالك .. لكن بالسر .. لا
وازعلي
وبيرجع يراضيك و ماعاد يذكر لك سيرة الفندق ابدا ..

المهم فناادق لا ياختي لااا تقبلي و ان زعل خليه يزعل بيزعل يومين بي بيرضى بعدين و يحترمك طول عمره

لكن ان لبيتي طلبه .. بيسعد يومين و الله العالم بعدين ايش بيوسوس له ابليس

الله يوفقك

جزاك الله الجنة كل كلامك صح مئة بالمئة جزاك الله الجنة