المهم ..

.
.

ما أعرف ليه نور الإيمان زعلت ؟؟؟

أنا مقتنعة بكلامها ، و أؤمن بنصايحها .. و استفدت كثير ..
بس ما راح أقدر استمر ، إني اصرف عليه ..

أحس كأني ( أعطيه مكافأة على السرقة ) ..

.
.

(( بس حتى أكون عادلة و منصفة ))

جلست فكرت ليلة أمس بالنقاط التالية :

أول شي

*. أهل زوجي الصراحة ( على قد حالهم ) .. أقصد أمه و أبوه .. و زوجي كيف عاش حياته ..
لكن عيلته الكبيرة مختلفين عنهم تماماً ..


*. حتى لو عندهم شي ( فأبوه بخيــــــــــــــــل ) ..
مو بخيل في الأكل ؟ بس يحس إنه أي شي فيه رفاهية ( هو تبذير و اسراف ) ..

فزوجي عاش ( محروم ) ..

أخواته تزوجوا ، و شافوا الدنيا .. و تزوجوا من رجال ماشاء الله أغنياء ..
لإنه أم زوجي ( تبحث عن المال ) .. و ترفض أي واحد على قد حاله ..


.
.


تاني شي

زوجي لما يكون معاه الصراحة فلوس ، صح يصرفه بلا حساب و لا تدبير ..
بس ما يبخل علي ،. يقدمني على نفسه .. بس ما يحسب حساب أشياء مثل أثاث و فواتير و ايجار ووو إلخ

.
.

ثالث شي

أهل زوجي عندهم الفلوس يصرفوه عالأكل ( يحبوا ماشاء الله تبارك الله بطونهم ) ..
يعني ممكن يعيشوا في خرابة ، بس يصرفوا عالأكل و ياكلوا ماشاء الله بكمية كبيرة ..

فزوجي لما تجيه فلوس ، يصرفها عالأكل ..
و هو يحب أكل السوق ..

بس يستخسر يجيب مقاضي ، وما يعرف ..

.
.

ثالث شي :


أنا رضيت اتزوج شخص ( فقير ) .. و اهتميت ( بالمشاعر و الأحاسيس و الإخلاص و الأخلاق و الدين و التعامل ) ..

لكن ما رضيت إني أتزوج شخص ( اتكالي و عاطل ) ..

بس مستعدة أعيش معاه ، حتى لو راتبه ( ألف ريال ) ..
المهم ، يشتغل .. و يعرف يدبر ماله ..


فعادي .. أنا بأصرف على الكماليات ، على الملاهي ، المطاعم ، السفر ، الملابس ، الزيادة في ايجار المنزل ..
لكن مو معناها ( أتحمل أغلاطه و استهتاراته ، من ساهر و مخالفات و كلام فاضي أو ديونه )



**************************************



المهم ..


أعطيته مبلغ يصلح سيارته و ما قلت له شي و لا أبغاه يرجعه ..
و أنا لما أعطيه شي ( بأعطيه بكرامة ، و ما عمري حاولت أحسسه بذل ) ..


بس مصاريف البيت الأساسية مثل ( بامبرز )
هو يجيبها ..