منتدى عالم الأسرة والمجتمع - عرض مشاركة واحدة

27-01-2013, 08:14 AM

أم خالد.

عضو مميز

تاريخ التسجيل: Oct 2011

المشاركات: 3,950

رد : لمياء ..

فرحآنه كثير , مو جايني نوم باقي شوي وأطبق اربع وعشرين ساعه

وكل شوي نتراسل وكأننا مو مصدقين اننا مع بعض الحين

البارح اقول لأمي .. يمه احس اني ملكت الدنيا و عادي لو مت اليوم

تقول كل هذا عشان صديقتك , قلت انتي ما تدرين وش هاذي الآدمية بالذات

لأني تعبت وانا ادور عليها و فقدت الأمل اساسا كونها بالرياض

و انا متأكده انها تدور علي بعد يعني مستحيل تكون تشوف رقمي و تقدر توصل ولا تتصل

كنت بس ادعي و سبحان الله ما غابت عن بالي أبد .. واذا اشتقت لها مره مره اتصل في مهرة

واقعد اسولف عنها ... سجلت إسمها بجوالي كتبت مصير الحي يتلاقى

كان عندي إحساس اني بلقاها بس كيف ووين ما ادري .

قبل سنة قريت موضوع لأخونا ثنــيـان .. عن لقاءه بصديقه المصري

و تذكرتها , وتمنيت لو أني شاركت بالموضوع لكن ما أذكر احد أثر فيني مثل صديقتي لميا

قبل فترة قابلت وحده من صديقات المرحلة الثانوية في إستراحه المستشفى

لكن كانت علاقتي فيها عاديه مجرد زميلة صف .. لكن لميا صديقة حياه

__________________

‏
الوعي هو الملاذ ..

أستغفر الله العظيم ؛
( الفردوس غايتي )