لكل قاعدة شواذ ..

وانا اؤمن بكلامك ..

و كم مرة اصحى الصبح بدري و اجهز فطور لي و لزوجي .. و في الاخير افطر لوحدي ..
لانه يكره الفطور .. و يكره يقوم قبل موعد العمل بدقائق ..
تعود كذا في بيت اهله ..

مرات اذا جهزت له فطوره و قام ..
جلس الفطور مثل ماهو ..

.
.

خلاص ليه اتعب حالي ؟؟؟؟

.
.

حتى افتكر كانت عندي شغالة .. و بعد ما تعودت اني ما افطر و السبب زوجي ..
كانت الله يسعدها .. ما تخليني اخرج من البيت غير بعد ما تعمل لي طبق بيض
و تجهز لي كوب حليب ..

تقول لي : مدام .. انت بعد كذا ماتخرجي من غير فطور ..
و تروح تشتري لي فيتامين من الصيدلية .. تفتح شهيتي للاكل

اقولها .. زوجي ما يحب يفطر و ما احب اكل بوحدي ..
تقول لي .. مالي دخل في مستر .. هو مو لازم ياكل ..

لانها كانت تشوفني كيف اتعب و ادرس وقتها و اصرف عالبيت

الله يسعدها وين ماراحت

.
.

و حتى لما يصحى زوجي من النوم .. لازم نص ساعة اقل شي ..
عشان تروح التكشيرة من وجهه ..

و مايحب احد يكلمه اول ما يصحى ..

و الحمد لله .. اولادي يصحوا الصبح و هما مبتسمين و يضحكوا .. طالعين لامهم ..
و انا طالعة لابوي الله يرحمه

كان يصحى الفجر و نفطر سوا كلنا و يقول لي .. لما تصحي لا تقومي مكشرة ..
ابتسمي ^_^

.
.

فالعيب من الرجل ..

الرجل بيده يعود زوجته ..

.
.

زوجة اخوي كسولة و اعرف اهلها .. ماشاءالله تحب النوم و الاكل و ببيت اهلها فيه خدم و سواقين وو الخ
اخوي من اول ماتزوجوا .. خلاها تتعود ما تنام الا و المطبخ نظيف
و خلاها تتعود ما ترمي الاكل الباقي ..
و خلاها تتعود تجهز له فطوره الصبح و تفطر معاه ..
و القهوة العربية تجهزها بعد العصر مع التمرة و البخور ..
و لما جابت نونو .. مايخليها تترك ولدها مع الشغالات

.
.

و انا عن نفسي .. احب اقوم و اجهز الفطور لزوجي ..
بس هو كذا مرتاح ..