رد : استقيل وأقعد في البيت ؟
الله يصبحك بالنور والسرور الإخوان والأخوات ماقصروا في الردود وانا اتفق معاهم بأنه ماتتركي وظيقتك في الوقت الحالي لأنه زوجك وهو عليه ديون ماراح يغطي راتبه كل مصاريفكم فالأفضل إنك تصبرين وتحاولين انك تنضمين وقتك وتتكيفين مع الوضع الين الله يفرجها
الحين لو انتي عندك مبلغ مالي كبير يساعدك انك تستثمرينه في شئ مفيد ويجيب لك دخل مادي يعادل راتبك او يقارب لراتبك كان نصحتك انك تشترين لك عقار وتأجرينه مثلا تاخذين لك مبنى او عمارة فيها شقق سكنية وتأجرينها وتراعين وجود المبنى يكون في مكان مهم وحيوي علشان يتأجر لك بالمبلغ اللي تبغينه مثلا يكون حول مدارس ابتدائية ولو كانت للبنات افضل لأن اغلب اللي يستأجرون يحبون يسكنون قريبين من المدارس علشان ابنائهم وبناتهم تكون المدرسة قريبة منهم ومستحيل تلاقين عقار قريب من المدارس مافيه سكان والإستثمار في العقار مربح ومجدي وبكذا تكونين لو قررتي ترك الوظيفة يكون عندك دخل مادي ثابت ان شاء الله يساعدك انتي واسرتك في تدبر اموركم
وربنا يسهل لك ويرزقك ويوفقك الى مافيه الخير والصلاح لك واسرتك يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله